قصيدة في الأب
 

والله اني لو رخصت العمر كله في رضاك
........................... مايوفي ربع حقك وانت حقك مايهون


يايبه ياتاج راسي يا عسى عمري فداك
.......................... ياغناتي والله انك لو تبي عيني تمون


خمسه وعشرين عام ماترددت بعطاك
......................... ياشبيه الغيث لامن ساقته غر المزون


ترتجيني ياعسالله مايخيب لك رجاك
......................... صاين عهدت الاهك باليدين وبالمتون


الحقيقه وانت تدري ما يعززني سواك
.................. والسبب واضح على اللي يدركون و يفهمون


والشعر وان كنت بمدح بالشعر هذا وذاك
....................... انت حقك فوق هامات القصايدواللحون


واتطمن واملك الدنيا بجلساتي معاك
...................... وان تنهض عز طرفك تنكسر كل العيون


والله اني لو كثر خيري فانا خيري ذراك
................. شوفني رجال كامل بس دونك .. ويش اكون؟


ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟


يايبه تكفى لعاد تشيل هم في حشاك
...................... يكفي انك قد تجرعت الليالي والغبون


يايبه يانور عيني شب عمري في هناك
..................... والله انه ابرد امن الما على كبدالظعون


يايبه ياجعل روحي فدوه لموطى خطاك
....................... حطني بينك وبين الوقت وكبار الطعون


يايبه ياجار كبدي انذبح ولا اعصاك
...................... عقب اللي قولوا وقالوا وهم مايفعلون


العمر والنفس واللي املكه كله فداك
..................... واعرف انه ربع حقك وانت حقك ما يهون




الشاعر
عايض راشد


منقووووول . بعد حذف أحد الأبيات

رائعة جداااااا

جزااك الله خيرا

آمين . كم يسعدني مرورك ويشرّفني . جزاكِ الله خير .وشكراااالكِ .

الأروع مروركم . وتعليقكم وسام يشرفني . فجزاكِ الله خير .


مشرفتنا الزاهره . شكراااالكِ .

الله يرحمه ويرحم أمواتنا وأموات المسلمين . ويجمعنا بهم في الفردوس الأعلى من الجنّه .

والزياده إضافه رائعه ومعبّره . فجزاك الله خير . وشكراااالكِ .