الحقوني بوصفه .. شعري مجعد
 

صباح الخير يابنات ...
عندي مشكله في شعري .. وعويصه .
شعري مجعد ومدرج ... لما استحم يطلع كأنه أسلاك تلفون
بصراحه حلو لما افكر اجعده مرتاحه بس احط عليه كريم أو شويه زيت
عشان ما يجي ناشف ... يعني لا جل ولا غيره ..
بس لما ابغاه مسبسب وطايح .. اهريه بالأستشوار ويالله تنفك التدريجه اللي
في جذور الشعر .. واذا حس بالحر انتفش ..
مدري وش اسوي .:sm266: . تعبت معاه وصرت احيانا وكثير في المناسبات ألمه عشان الحر ...
الله يجزاها خير من تدلني على طريقه سهله .. ابغاها طبيعيه[/font] [/font][/font]
واذا فيه كريم يخليه ما ينتفش .. وللعلم مجرد ما يحتر راسي يتدرج من جديد .. كأني ما استشورته

هلا اختي انا مشاركة يديدة حبيت افيدج وان شاالله خير
ييبي حبت ثوم مهروسة وزيت املا وزيت جرجير وزيت خروع وزيت جوز الهند وزيت زيتون
واخليطهم كلهم مع بعض
وانشالله ينفع
انا جربت هالوصفه واحسن وفادتني زيادة
اشوفج على خير

مشكوره حبيبتي
أنا استخدم ثوم +قرنفل +خميره فوريه .. مخلوطه مع زيت عافيه
أنا ما ريد لا طول ولا تحسين مظهره أنا اريد وصفه تفك التدريجه والتخفف التجعيد بس
وصحه شعري كويسه احنيه وازيته بس مشكلتي عند الاستشوار لما اخلص واحس بالحر يرجع يتدرج مره ثانيه

أنا ماراح أضحك عليكي وأعطيكي وصفة تشيل التجعيد وأتحدى أحد يقولك لأن هذا هيا طبيعة شعرك..إلا إذا أستعملت الفرد ... وبعدين ليش زعلانة خيتو لأن مشكلة شعرك بحسب ظنك هي على الموضة إللي يسمونها كيرلي هاذي الأيام والناس تعمل عمايل عشان تعملو على قولتك سلك تلفون ... أنا ماقدر اديك إلا نصيحة إن شاء الله تعجبك وهي قبل لا تستشوري شعرك.. وبعد ما تغسليه ..استخدمي بلسم ملطف الشعر..( أنا عن نفسي أستخدم ويلا زيد ) لأنو يسهل عملية الإستشوار وكمان يخليه إنسيابي وفيه لمعة كمان وإن شاء الله مايتأثر بالعرق بعد كدة... وكمان لما تستشوري فكي المكيف عشان ما تعرقي وقت الإستشوار والشعر يمتص العرق ...وبعدين يصير يازيد كانك ماغزيت
إن شاء الله ما أكون طولت عليكي....ولا تقلت دمي ....
ودمتي في حفظ الله....

أحلى شي يكون متجعد أعرف ناس يتمنو هذا ويروحو المشاغل ويعملو تجعيد أربع شهور أوستة
بس فية طريقه حمام الزيت تغذي الشعر وتساعدك على الأستشوار

زيت الحية جميل عالشعر

فيه خلطات قراتها في هذا القسم بس ما ادري هل هي فعالة والا لا

هذا هو الرابط

http://www.22522.com/vb/showthread.php?t=48894

اختي الغاليه
انا اللي سمعته ان زيت الزيتون ينعم الشعر
او استخدمي زيت اللوز بعد ينعم الشعر او زيت الذرة .. ولوتبين نتيجة احلا سخني الزيت قبل الاستعمال
بس النتيجة ماتبين على طول يباله عناية
تتركينة مدة ساعتين او ثلاث وبعدها غسلي شعرك بالشامبو
استخدميه كل يومين او ثلاث مرة واحدة
نصيحة مني لا تستخدمين الاستشوار الا للضرورة القصوى
مثلا اذا عندج حفلة عرس او خطوبة
بس الاهم
لما تعملي استشوار وتخلصي الحفلة سوي الزيت عشان الاستشوار يجفف ويقصف الشعر
وفي الايام الثانيه اللي ماتعملي فيها الزيت
استعملي كريم للشعر بدل الزيت
ملاحظة
انا سمعت ان الزبادي ينعم بعد
خذي علبة زبادي بس لاتكون بااااردة لان البرودة تسوي جلطة ومشاكل ثانية
طلعي الزبادي من الثلاجة واتركيه نص ساعة او اكثر لين مايروح البرودة عنة
بللي شعرك بالماي
عقب حطي الزبادي في الشعر بس لا تظهري ع المكيف خليكي في مكان دافي مدة ساعة
وبعدها غسلي شعرك بالشامبو
وان شاء الله النتيجة راح تعجبك
وسلامتك

انا والله يأختي اعاني من نفس مشكلتك بس وحدة اعطتني وصفة وتقول من اول مرة يتحسن الشعر
اخلطي حنة وماء وخلية على جنب 3 ساعات
وبعدين ضيفي علية ملعقة صفيرة مطحونةككلا من قرنفل وقرفة وحبة سوداء
وفنجا صغير عسل ومحلب وشوية زين
علبة زبادي
وبيضة
وملعقة خل تفاح
ان شاء الله تستفيدي بس داومي علية وادعيلي

جزاك الله خيرا