ممكن تساعدوني؟؟
 

السلام عليكم ورحمة الله وبركاته
انا عندي ومشكله واتنمى اني الاقي الحل عندكم..
انا كان شعري كثير وكان طوله يوصل حد نصف ظهري لكن في المده الاخيره بدء يتساقط وقل كثير عن الاول مع اني حاولت وجربت خلطات وزيوت مانفع والحين اقصى طول يوصله الى حد كتوفي ويبدء في التساقط مع اني من زمان ماصبغت يعني اكثر من سنتين ودايم اهتم فيه بالحنا والزيوت وبدون فايده .
اتمنى الاقي عند اي اخت طريقه مضمونه ومجربه ليعود شعري كما كان وافضل.

السلام عليكم ورحمة الله وبركاته
اختي انصحك نصيحه واحده :

اعملي تحليل غدد صماء وهذا اول شي واذا انشالله ان ما كانت الغذه الدرقيه هي السبب
فبيكون علاجك بالزيوت ممكن وله نتيجه
ام ولا قدر الله اذا كان في خلل بالغدد
فلالالالالالالالالالالالالالالالالالالالازم

انك تتلاحقين نفسك بالدواء لان ممكن التساقط يكون من كسل الغده الدرقيه (انا نفس السبب عندي)
واول ما ينظبط الهرمون عندك يرجع الشعر 80 % كما كان قبل التساقط
وفيه شامبو اسمه (جيروفيتال بس خلي بالك الخاص بالتساقط لانه نوعين نوع للتساقط ونوع للشعر العادي ومع الكوندشنر ماله ) وكمان شامبو اسمه (مازارين)
فظيييييييييييييييع هاذيلا يوقفون التساقط بشكل سحري
والله .
وبعد فيه زيت للشعر اسمه (ماكس اون) جربيه والمعلومات وطريقة الاستعمال مكتوبه عليه
والله معاج


لميــــــــــــــــــــــــــا:smile:

والله أنا عشت نفس المشكله بكل مافيها الوضع يالغاليه في الغذاء والنفسيه :cool:

الله المستعان احس اني لما ارتاح نفسياً يتعدل الوضع بس للآسف النفسيه مو مستقره نسأل الله الرحمه
حاليا أنا استخدم أنبولات اكرينال مدحوها كثير .. لي شهر تقريبا عليه اهي زينه وشفت عليها بس مشكلة التساقط عندي مثل ماقلتلك نفسي بحت :frown:

سمعت من بنات كثير طريقه الحلبه مع زيت عافيه حتى ان واحده اعرفه تقول طال عيها شعرها 10 سم بالشهر وكثرة شعرها بس الله يعينك على ريحتها

بعد سمعت طريقه من خبير اعشاب اكل الجزر والجرجير كل يوم او عصره وشرب كاسه منه كل 40 يوم متتاليه للأمانه انا ماجربتها

أنا جربت فيتامينات واقراص وانبولات واشياء كثيره بس عشان اوقف التساقط لكن الوضع عندي غير ..!!

موفقه ان شاء الله

مشكورات يالغاليات ان شاء بجرب كل اللي قلتوه وان شاء الله ينفع.

السلام عليكم ورحمة الله وبركاته
إلى الأخت السائلة ..
من منا لايشكو من تساقط الشعر في هذه الأيام لكن إذا زاد سقوط الشعر عن المعتاد فقد يكون مرجعه إلى هموم أو ضغوط نفسية تعانين منها وهذا غالباً هو السبب
أسأل الله أن ييسر أمورك ويفرج همك

يا عضوااااااااااااااااااااااااات

أول شي ياماما ويا سيدات و آنسات ,, مافي شي اسمه شعر يطيح حله " موضعي " = يعني بعلاجات او زيوت او

خلطات أو ما الى آخره ,, حتى لو انحلت المشكلة فراح يكون حل مؤقت ,,


ليه لأن حل مشكلة التساقط " داخلي " = يعني من داااااااخل جسمك ,, بمعنى حطي ببالك قبل تبحثين عن " حل

مشكلتك ", تبحثين عن " سبب مشكلتك " معرفة سبب المشكلة هو نصف حلها ,, لأن معروف طبيا " أغلب " مشاكلنا

العضوية أو النفسية " سببها " أمراضنا العضوية , و "أسباب" تساقط الشعر الي أعرفها لحد الآن :

1- الغدة الدرقية 2- نقص الحديد 3- القشرة 4- كثرة التفكير ,, ما ادري اذا فيه أسباب غير الي أعرفها , بس السببين

الثالث والرابع لو كانو موجودين فيك ما يغنونك عن موعد طبيب الجلدية ,,

سو الحين روحي لطبيب أو طبيبة الجلدية ولازم يعملون لك التحاليل , وبعدها اذا عرفوا عندك مشكلة او لأ بيوصفون لك

العلاج .



وموفقة ان شاءالله الله يرجع شعرها مثل قبل وأفضل ّ

الله يجزاكي خير

اهلا مثل ماقالت اختي حزينه ،، لازم اول شي تعملي تحليل للهرمونات وخصوصا الغدة الدرقيه
اذا تمام ... اهتمي في اكل الفواكه والخضار .. وتناولي فيتامينات مهمه للبشره والشعر ..
وبعد روحي لطبيبة او اخصائية شعر وتعمل لك جلسات تنظيف لفروة الشعر وتصرف لك المستحضرات المناسبه
لنوعية شعرك وان شاء الله يكون تمام بعدها .. ولاتهملي زيت الزيتون والافضل المقري فيه مفيد للشعر.

السلام عليكم ورحمة الله وبركاته
اختي العزيزة
في اشياء وايد تاثر في الشعر والبشرة
الاكل الغير صحي
عدم شرب الحليب والالبان
عدم اكل الفواكه والخضار
العصبيةوالزعل
التدخين
كثرة شرب الشاي والقهوة
لو التزمنا بهذا كله عقب نقول ليش ليش

المهم
انا سمعت عن زيت الخروع يكثر الشعر
وان شاءالله يفيدك