يابو سعد صارت على اخوك غارات=
شهرين أقاسي من شديد الغرابيل=
سو المرض يحمل على اخوك حملات=
مافي يدي حيلة ولا في يدي حيل=
والله فزع من فوق سبع السماوات=
وانا احمد الله يوم صارت تساهيل=
ماينفع الخايف والايام عجلات=
الخوف ماينفع ولا القول والقيل=
حنا هل العوجا ولا به مروات=
شرب المصايب مثل شرب الفناجيل=
لاشك انا مشغول في كل الاوقات=
على الذي حنا بظله رجاجيل=
ماني على نفسي كثير الحسافات=
لا سلم راسه روسنا رفاع بالحيل=
حامي حمانا بالليالي المخيفات=
لو صار بالعالم كثير الزلايل=
فخر العروبة بالعدل والمسـاواه=
هذاك هو فيصل ولا فيه تشكيل=
يشهد له اللي شاهدوا منه ليات=
ويشهد له التاريخ جيل بعد جيل=

المشاركة الأصلية كتبت بواسطة غفا http://www.mmlkti.com/up500/uploads/12a02cdc98.jpg يالله ترحم راعي الطيب والجود.................................وتجعل بجناتـك رفيـــعٍ مقامـه يظل أبونا نفتخربه بلا حــــدود ................................ ويظل مضرب للكرم والشهامة شكرا لك عبدالرحمن ....قصيدة مؤثره]