للكل : كيف أتخلص من هالحالة اللي أنا فيها ؟
 

السلام عليكم ورحمه الله وبركاته
بسم الله ابدمشكلتي وابغى الكل يدعي لناولجميع المسلمين بالهدايه
قبل سنتين تقريباسمعت شريط واثرفي ومن وقتها رميت بناطلي وقطعت عبايتي وفساتيني المهم اني عاهدت الله اني مااعصيه لكن للاسف فيه ذنوب قدرت اتركهاعلى طول وذنوب تركتهابالتدريج وذنوب لهذااليوم ماتركتهامن اقواهاالغيبه حاولت بس ماقدرت استخدمت اساليب مانفعت منهااوراق حطيتهابغرفتي ومنبه بس دايم انسى وقبل مانام اتذكروابكي وخاف اموت واناكذاواتوب ولمى اصحى انسى كل شي المشكله كل الي حولي مثلي لونصحت قالوعامله علينامطوعه وفي الغالب صرت اجلس لوحدي لاني لوسمعت شي اروح معاهم انامقهوره على نفسي من سنتين ماقدرت اتركهاوحياتي صايره نكدبسبب هالموضوع اوقات افترويقولي الشيطان ارجع لكل ذنوبي القديمه لاني انابالاساس مذنبه ولولااني حلفت ايمان لعدت كالسابق واخس والناس صاروا يستهزئوبي لاني مالبس العاري ومااحضرافراح ولواوقع بادنى خطاواناكلي اخطاءيقول اجل ليه تسوي نفسك مطوعه وانتي مانتي مطوعه واناارداقول من قال اني مطوعه بس عشان لبست جاونتي المهم ابغاكم تنصحوني تعطوني حلول عمليه على فكره انامالي بعدالله غيركم حرم الله وجهوكم على النار

وعليكم السلام ورحمة الله وبركاته ..



حياك الله أختي ..

وما شاء الله عليك أنت في خير وإلى خير بإذن الله لأن ضميرك حي وخوفك من الله حاطته بين عيونك واللي أنت فيه ترا هو من مجاهدة النفس ولا تنسين أن مجاهدة النفس من أفضل أنواع الجهاد ..
ومن نهى نفسه عن الهوى وزكاها فالجنة له هي المأوى

" قد أفلح من زكاها * وقد خاب من دساها "

وهذا الشي الحين أعتبريه يا أختي إختبار من الله سبحانه وتعالى عشان يشوفك هل حربيه راح تصبر أو لا ..
ومعنى إن الله يختبرك معناه إن الله يحبك أختي حربيه ..

فاللي عليك الحين :

o إنك تصدقين أكثر مع الله جل وعلا ومع نفسك ..

" يَا أَيُّهَا الَّذِينَ آمَنُواْ اتَّقُواْ اللّهَ وَكُونُواْ مَعَ الصَّادِقِينَ "

فأنت شكلك وإن شاء الله نقول إنك تخافين الله أكثر من غيرك وخوفه من الله وتتقينه وتخافين تعصينه وتخافين إنك .. و ..
لكن فيه شغلة لازم تنتبهين لها وهي إنك تصدقين مع الله ومع نفسك فكل ما حلفت تذكري إن الله يراقبك وإن ما وفيتي بالحلف فالله يحب التوابين وإنه سبحانه غفور رحيم , لكن مهب معناها إنك كل مرة تحلفين وما توفين فهذا يعني حدوث ما معناه الإستهزاء بشرع الله والشيطان شاطر ..



o إنك تكونين أكثر ثقة بنفسك .. وتستشعرين إن الله يريد بك خير ..
وعشان تتخلصين من الغيبة حاولي تحطين لحمة خايسة قدامك بدال الأوراق أو المنبة وجربي هل راح تغتابين ؟
وحطي حصالة قدامك وكل ما اغتبت أحد لا سمح حطي فيها 25 ريال في كل مرة .. وشوفي نفسك بعدها ..



o تضربين بكلام الناس وتعليقاتهم عرض الحائط ..

وهالمجالس هي البلا بعينها وممكن تكون خير بنفس الوقت لك واللي فيها من خلال ما يشوفونه منك من نصايح أو .. وإن أشتغلوا بالحكي والغيبة قولي : اللهم إني بريئة من مقعدكم هذا .. راح يستحون من نفسهم ..
وإن علقوا تعليقات نعرفها اسفهيهم أو قومي عنهم أو غيري الموضوع ..وكل هذا وأنت واثقة من نفسك وهذا أهم شي عشان يقتنعون ويطلعون من المقصب اللي هن فيه ..



فلا تنتظرين كلمات تصدر منهن ومهما كانت قوتها في العضل فهن مخطئات وعاصيات ربهن وهن في غفلة أو هن ما عرفوا حجم هالمعصية الكبيرة ..

نصيحة :

لا تقعدين بروحك ولا تنطوين بل بالعكس كوني عضو فاعل ومؤثر في اللي حواليك فالوحدة تضرك أنت وراح يتوحد بك الشيطان أخزاه الله .. وحاولي بعد تحضرين دروس وندوات ومحاضرات دينية أو أسمعيها حتى ..





الله يوفقك لما يحبه ويرضاه ويثبت حربيه على طاعته يارب .. شكراً

الحدلله اني لقيت احديفهمني
الله يبارك فيك يااختي ويبعدعنك الشر
فعلااناقلت زياراتي للناس واذاحدعزمني اقولهم بشرط مااحديتكلم بحدعندي ويزعلون ويخلفون وانامعهم وصدقتي تنقصني الثقه لاني فكرت كثيراترك القفازات عشان محديقول عني مطوعه
والله يزدناايماناوثباتاوالله يغفرلك ولوالديك وللمسلمين اجمعين

بسم الله الرحمن اريحيم

السلام عليكم ورحمة الله وربكاتة...

اختنا وحبيبتنا حربية ...

لي عودة مع تجربتي
..

السلام عليكم ورحمة الله وبركاته
أختي الحربية نبارك لك التزامك وأسأل الله أن يثيتك
لقد وجدت أن السعادة الحيقيقة تكون في الإلتزام الصحيح ولكن لابد من المعوقات وعندي لك بعض النصائح
_استبدلي الرفقة القديمة برفقة صالحة .
_عليك ببعض القنوات الدينية واختار لك المجد فأنا أشاهد المجد في غرفة وأهلي لهم دش خاص بقنواتهم هناك لن تسمعي الأغاني ولن تتابعي المسلسلات وستشعرين بسعادة ومع مرور الوقت ستتعودين .
_اما بالنسبة للغييبة فالبديل ذكر الله من تسبيح وتهليل والزمي الاستغفار فمع الاستغفار تزول الهموم .
_اختي لا تقطعي علاقتك بأهلك بل خالطي الناس .
وفي الختام اتمنى لك التوفيق والسعادة في الدنيا والآخرة.

الله يثبتك على الحق ويبعدنا عن الذنب ياااااارب

مااقدر غير اقول ..

الله يقويكي

يعطيك الف عافيه على طرحك

عشوقه