وشلون حـال الممـلكــه ؟ - دام الخيـانـه من ( مـلك ) !
 

لا أعـرف كيـف اصــف عـذوبـة .. ونقــاء حــروفـه ..

تخرج منه الكلمــات خـالصــه .. خيال صريح .. ومتقــن .. وبليــغ ..

إنـه .. الصــانع أحمــــد ..

مره اخــرى يطــل عليكــم بهــذه الـرائــعه ..

أدعهــا بأمــان لـذائقتــكم ..

.
.
.
.
.

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !

هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !

ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !

ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !

ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !
.
.
.
... ودمتـــم بـــــود ...

مشكووووووووووووووورة عالقصيدة الروعة يامهاو تصدقين عاد احسها لامستني من داخل بس منهو الشاعر ماقد سمعت اسمه؟

بارك الله فيكي ولبسك الله ثوب العافيه

مشكووووووووووووووورة عالقصيدة الروعة يامهاو تصدقين عاد احسها لامستني من داخل بس منهو الشاعر ماقد سمعت اسمه؟

صح لسااانك

قصيــــــــــده راائـــعه

يعطيك ربي الف عافيه

دمت مبدعــاً

روعه ولا بالخيال .... اخت وفاااااء
الله يعطيك العافيه
ودمتي بخير