إذا ماضحتكم لكم مني 5000 الف ريال
 

يقولك هذا الشايب كل يوم يروح البنك ويدخل 5000 ريال بحسابه... الموظفين استغربوا
وفي يوم من الأيام قال لهم المدير إذا جاء نادوه أكيد هو غني ولازم نكسبه زيادة
لما جاء الشايب ودخل البنك دخلوه الموظفين على المدير

قاله المدير أنت وين تشتغل؟..قال: عاطل مالي شغل

قاله المدير من وين لك الفلوس اجل؟: قال:أنا أتحدى الناس من 5000 ريال وأكسب.

قاله المدير كذاب قول الصدق...

قال الشايب: خلاص تتحدى أبوس عيني من 5000 ريال

قال المدير أتحدى...

قام الشايب وفك عينه وباسها ورجعها ==== عينه تركيب

قاله المدير شلون ؟؟

قال الشايب تتحدى أعض أذني من 5000 ريال

قام المدير و يسحب في أذن الشايب إلى ان تأكد انها مو تركيب وضحك وقال يالله أتحدى....

قام الشايب وطلع أسنانه وعض أذنه ورجعها ==== أسنانه تركيب

عطاه المدير 10000 ريال وطلع الشايب

من باكر لما دخل الشايب للبنك نادوه الموظفين ودخلوه على المدير

قاله المدير يابن الحلال تكفى رجع لي فلوسي

قال الشايب: خلاص أنا بتحداك على شي إذا أنت فزت أعطيك فلوسك ومعاهن مثلهن وإذا أنا فزت تعطيني 5000 ريال بس

قاله المدير على ايش تتحدي

قاله الشايب: تتحداني أن لون سروالك الداخلي أزرق

قال المدير وهو طاير من الفرح لا مو أزرق يالله عطني فلوسي

قال الشايب لا أزرق

قال المدير لا مو أزرق

قال الشايب اجل طلعه أشوفه
فسخ المدير سرواله وطلع الداخلي
و قام الشايب و عطا المدير فلوسه

التفت الشايب على الموظفين أثاريهم قاعدين يناظرون راح الشايب وجمع من كل واحد 5000 ريال وقالهم ما قلت لكم راح أخليه يفسخ سرواله