|
دعاوي العجايز : )
هذي بعض الدعاوي القديمه لجداتنا وعجايزنا..
وأنا أقولكم من الحين .. حاسبوا من لسان العجايز ما تصدقوني !!! شوفوا معاي : اقعد........................... قعد رسك وانطفى حسك قوم........................... قمقم الله عصبك وكسر الله ركبك نام........................... نامت عليك طوفه روح ........................... راحت روحك اتغدا........................... عساك غده يالله صل........................... صلت جبهتك .....او ..... الله يصلي بدنك ييب ........................... يب يب الله بطنك سلم........................... عساك ماتسلم فج........................... انفجت اضلوعك وليحان صدرك اتحب........................... حبتك القراده يوز........................... حبتك العيوز كل ........................... كلتك حوته ول........................... وليت من الدنيه ..ولت حلاتك بل........................... اتبلبلت احنوجك بس بكل صراحه البيت الي مافيه عجايز مافيه بركه لانهم هم الخير والبركه منقول...:tongue: |
اقتباس:
أشهد .. والله يخليهن لنا ويحسن خاتمتهن على طاعة .. والحمدلله رب العالمين إن دعاويهن كلها لنا بالخير .. حلو موضوعك يا زايرة :) بس هالدعاوي والله قوية وتعور القلب .. .. |
اقتباس:
عجايز ديرتنا تقول عساك غدغده .. :tongue: ذكرتيني بأم لطيفة مرره .. اذا انقهرت في اولادها ماتقول الهم الا "عساكم السعادة " وصدقانها يستغربون منها لأنهم اذا ماقالو طااعون او حريقة ماتطلع حرتهم ... تسملين عزيزتي على الدعاوي <<< بطلع بسرعة لاتصيبني دعوة :tongue: بس تعرفين معنى " ياطايح السنجة " ؟ ههههههاي اتحداكِ :tongue: . . تقديري |
الأفضل أن نتعود على الدعاء بالسعاده والهدايه حتى في لحظات الغضب
يعني مثلا الولد كسر كوب:cool: نقول بصوت مسموع :mad: الله يهدييييييييييييييييييييييييييييييييييييك:mad: مراعاة أن توافق الدعوة ساعة إجابه أقول هذا لإننا لابد أن نتعود لإننا جدات المستقبل.:smile: وتسلمين زايره ذكرتيني بجدتي اللي أحبها ويا سوالفها...الله يطول عمرها بطاعة الرحمن. |
الله يخلي ويعطي الصحة للأحياء منهن...ويرحم أمواتهن...في دعاوي ضحكتني..وفي مافهمتها..لكن الحق انها كلها من ورا القلب لأن أعز الولد ولد الولد..مش هيك؟؟؟...تسلمي يا زايرة ..موضوعك حلو وجديدة فكرته...
أعرف ان أشقاءنا في مصر يقولو قوم..قامت قيامتك واتنصب ميزانك..ههههه... |
هههههههههههه دعاوي طريفة
|
هههههههههه أنــا جــدتــي اللــه يغـفـرلهــا ويعــطيهـا طـوله العمـر على الطـاعه .. دايمـا تقــولـي .. نــومـة دعفــس اللــي مـا قعــد ولا رفــس ..:frown: .. منو دعفس مدري:confused: وتدعي للشبــاب .. اللـه يـرزقكــم السـاتـره النــادره ..:mad: وتــرى اللــه يغفــرلهــن .. لهــن حــوبــه ..:tongue: اللـه يحفظــهن هن الخيــر والبـركــه .. .. شكـرا زيـوره |
اقتباس:
الموضوع كوميدي بحت... الحمدلله ما سمعنا من جداتنا إلا الكلام الحلو...:smile: |
اقتباس:
لا والله ماعرف... علميني يا جَدة تجلي...:tongue: |
اقتباس:
تخيلي يا غفا شكلنا واحنا جدات... ومندمجين مع الآب توب...:tongue: |
| الساعة الآن 8:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab