|
$$ .. يــا سـِـعــد عـــينـــك بالــطــرب يــا الحـــمـامــه .. $$
الســلام عليكــم ورحمــه اللـــه وبركــاتــه مــرتــادي قســم الشــعر الفصيــح والعــامـي .. أسعــد اللــه أوقــاتكــم بالخيــر والمســرات أقــدمـ لكــم قصــه وأبيــات أعجبتنــي كثيــرا فنقلتــها لكــمـ وهــي للشــاعره موضــي البــرازيــه الملقبه بـ مويضي ومويضي اسمها الدلع مثل مايقولون وليس للتصغير والتحقير .. وهي ترجع لقبيله مطير الملقبين بحمران النواظر يتميز شعرها برقي المعنى والوضوح والصراحه يستطيع فهمه المتلقي بسهوله ويتميز ايضا بالحكمه والجرأه في الطرح.. وسوف نستعرض بعض المواقف التي حصلت في حياه تلك الشاعره الكبيره التي انتجت خلالها ابيات رائعه.. ونبدأ بقصه عنوان الموضوع ..ماهم بخافيني رجال الشجاعه.. حيث ان لشاعرتنا الكبيره اخت اسمها<< بــنا>> وكانت شاعره ايضا حيث انها نضمت ابيات تفتخر بزوجها وتنتقص زوج مويضي وصارت بينهن مساجله شعريه خفيفه حيث قالت<< بـنا>>:_ شوقي غلب شوقك على هبت الريح ومحصل فخر الكرم والشجاعه ركاب شوقي كل يوم مشاويح وإذا لفا صكوا عليه الجماعه يالبيض شومن للرجال المفاليح لاتقربن راعي الردى والدناعه وترد عليها الشاعره مويضي البرازيه بهذه الابيات فتقول :_ ماهو بخافيني رجال الشجاعه ودي بهم مير المناعير صلفين ابيه مندسٍ بوسط الجماعه يرعى غنمهم والبهم والبعارين وإذا نزرته راح قلبه رعاعه يقول ياهافي الحشا ويش تبغين وان قلت له هات الحطب قال طاعه وعجل يجي بالقدر هو والمواعين لو اضربه مشتدةٍ في كراعه ماهو بشاكيني ولا الناس دارين وانتهت المساجله بينها وبين اختها بنا ................. حــكمــــــــه اللي يتيه الليل يرجي النهارا واللي يتيه القايله من يقديه..؟؟ والمغزى من هذا البيت انها تقول اللي يتيه بالليل ينتظر الصبح وبيلقى طريقه لكن المشكله اللي يتيه بالنهار من يدله طريقه.. ................... والموقف الثاني الذي سوف نسرده الان هو كالتالي:_ كانت مويضي تغني على اولادها وعلى خوياتها بصوت رنان فـ شكوها ناس على الامير فيصل بن تركي رحمه الله فارسل عبد من عبيده يقال له سلامه قام هذا سلامه بنهرها وتهديدها ويقال انه ضربها المهم توعدها انها ماتغني مره ثانيه وفي يوم من الايام كانت بجانب مويضي حمامه تنعي وتغني فقامت مويضي تنصحها بابياتها وتحذرها من انها تغني خوفا من سلامه وتخاطب الحمامه بانها تغني بمكان اذكرته للحمامه وهو السليل بلاد الوداعين الدواسر وتمدحهم للحمامه بانهم ناس يعزون القصير ويحمون الجار ... فتقول يا سعد عينك بالطـرب يالحمامـه ياللي على خضر الجرايـد تغنيـن عزي لعينك وان درى بك سلامـه خـلاك مثلـي يالحمامـه تونيـن كسر اعظامي كسـر الله اعظامـه شوفي مضارب شوحطه بالحجاجين جاني يقـول مروحينـه عمامـه الله يخرب ديرة لا صفـر العيـن ان كان ودك بالطـرب والسلامـه عليـك بالسليـل بـلاد الوداعيـن تنحـري ربـع تفـك الجهـامـه فكاكة القـالات بالعسـر والليـن دخيلهم ما أحد على الحق ضامـه لو هو ضعيف الحال ما يلحقه دين أتمنـــى أن تحـــوز علــى رضــــاكــم احتــــرامـــي ........ |
اقتباس:
عزيزتي وفااا .. أمانة هل الشاعرة مويضي الله يرحمها تمدح زوجها وهي جادة .. هل هذي أبيات تعدها مديح له فعلاً أو ماخذتها طنازة على أختها .. الرجال يغدي قلبه مرقه من زوجته ويغسل لها المواعين ويحطب .. لا أكيد إنها تمزح :) .. اقتباس:
اقتباس:
الصحيح والله أعلم أنها : إن كان ودك بالطرب والسلامة ...................... عليك بالفرعة ديار الوداعين فهي الفرعة ديار الوداعين مش السليل .. وعموماً السليل ما تفرق عن الوادي إلا كما تفرق الحوطة عن الخرج .. موضوعك حاز على إعجابنا يا وفاا وتسلم يمينك والله لا يهينك .. والشكر لك .. .. |
[quote=من زمرة المتقين]عزيزتي وفااا ..
أمانة هل الشاعرة مويضي الله يرحمها تمدح زوجها وهي جادة .. هل هذي أبيات تعدها مديح له فعلاً أو ماخذتها طنازة على أختها .. الرجال يغدي قلبه مرقه من زوجته ويغسل لها المواعين ويحطب .. لا أكيد إنها تمزح :) .. أتــوقــع إنهـا جــاده ويمكــن الــرجـال اللي نفس زوجهــا مطلــب لكثيــر من النســاء !!! أو كانت تبين لأختهــا سعــادتهــا بهــذا الــزوج اللــي مثــل الخــاتــم بإصبعــها ؟؟ بعكس زوج أختهــا رحمة اللــه عليــها اللــه اعلم بمقصــدها.. أسعدني مــرورك كثيــرا وتعليـــقك الــرائع .. ورضــاك بما قدمت يحفــزنـي كثيــرا :smile: شكــرا لــك زمـــرده دمتــي بخيــر.. |
صح لسان القائل والناقل ابيات اكثر من رائعه ((())) وتقبلوا تحياتي *مطيري والصقر طيري* |
أبيات حلوه يسلموووو . . . . :smile: |
اللي يتيه الليل يرجي النهارا
واللي يتيه القايله من يقديه..؟؟ الله الله |
اقتباس:
ونعــــمـ يــابــن مطيـــــر وشكـــرا علــى المـــرور الــرائــع .. |
اقتباس:
اللـــه يســلمــك حبيبتــي وشكـــرا لمـــرورك الــرائــع .. |
اقتباس:
واللــه واللــه :tongue: شــرفنــي مــروركـ كثيــرا وبيــت يستحــق الإقتبــاس شكـــرا لــكـ .. |
مويضي البرازيه...وبخوت المريه...ونوره الحوشان...وغيرهن كثيرات رحمة الله عليهن
كن نجمات في سماء الشعر، ولازالنا ننهل من معينهن الذي لاينضب الغاليه وفاا، المبدعه في اقتناص قصص التراث الجميله، أشكرك من كل قلبي، وكانت فرصة جميله لنتعرف على جانب من شخصية مويضي...... وأعتقد أنها تتمتع بروح مرحة.!!:smile: وفاا ، ننتظر ابداعك القادم، وجزاك الله خيرا. |
| الساعة الآن 8:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab