إنقضاض العنكبوت
 

هنه أول ما أنقضت على الفريسه


http://i117.photobucket.com/albums/o...alla/22522.jpg



وهنه تمكنت منها


http://i117.photobucket.com/albums/o.../halla/fly.jpg



بالعــــــــافيه مطرح ما يسري يمري :biggrin:


كنت اتمنى يكون عندي عدسة محترفين 100mmأوحتى 60mm كان بتطلع أكبر وأدق ...إن شاء الله قريب خطيت أول

خطوه وشتريت الكامرا باقي العدسات.



يهمني رايكم

تأملنا بها كثيرا ..



ونحن ممن يستهويه التأمل في مخلوقات الله سبحانه وتعالى ومن محبي متابعة القنوات ذات العلاقة بذلك ..
كـ قناة بيئتي beeaty والجزيرة الوثائقية .. ونرى أن هنا قناة ثالثة بموضوعك هذا ..



أختي روضة أتقنتِ التصوير وأبدعت في الإختيار من ناحية غرابته ..





شكراً لكِ ..



..

سبحان الله ..
تصادف وجودك مع الإنقضاض..

بس يا روضة أول مرة أعرف إنك شريرة ...يعني تشوفين العنكبوت مكشرة عن أنيابها وهاجمة على هالفقيرة المسكينة وساكته...حرام عليك..:sm17:

يلا في النهاية البقاء للأقوى..

تسلمين الغالية على المشهد الرائع..

ما شــاء الله عليك يا روضة ...
على كذا الكاميرا معك على طول ...
تصلح في مجلة علمية هالصور ...
الله يعطيك العافية

: ( : ( صحة وعافيه يا روضه


والله لو أنا شفت هالمشهد .. كان .. واللا بلاش أحسن : ) : )


أحلى ماكرو يا روضه .. ما لقيتي غير حشرتتات .. الله يسامحك : )

جميلة جدا والإطار توجها .. فـ الشكر لكِ عزيزتي



كلما رأيت ما صور بالماكرو تذكرت الغائبة الحاضرة تجلـّـي .. فـ هل من أخبار عنها ؟



دمتم لي يا مبدعين الجرافيك .. يا أروع ألوان

http://www.asmilies.com/smiliespic/happy/119.gif
http://www.asmilies.com/smiliespic/sad/102.gif

أختي من زمرة المتقين

حياج الله أختي ..سرني استحسانج لما قدمت

انا بعد أحب كل مايتعلق بالحياه البريه وخاصه الـbig cats وكنت من متابعي بشغف لقناة

شاكره تواجدك العطر
حفظكِ الله :smile:

......

زايره

خخخخخخخخ شريره
صدقين عاد اني دوم إذا شفت عنكبوت مسكت نمله أو أي حشره اساعدهم إلا هذي المره يمكن عسب معاي هالمره كاميرا وستهوتني فكرة تصويرها ..هذا حال المصورين وبعدين تخلصنا من آفه ناقله للأمراض <<< شريره
وبعدين تعالي.. أنتي ما ترشين فليت على الذباب والبونيجيب وسويلهم إباده ..إذا أنتي شعشبونه:tongue:

يالطيبه انتي دايما لج مكان في متصفحي وهذا يفرحني

دمتي زائره دايماً يازايره..حفظكِ الله :smile:

....

أخوي فاتح

صحيح أنه كاميرتي جيده والحمدلله ,لكن حبي للماكرو هو إللي دفعني لشراء هذي الكاميرا وميزة هذي الكاميرا انه بإستطاعتك تبديل العدسه سواء للماكروا أولتقريب الأجسام البعيده
صدقني يا خوي عندما تمتلك هذي العدسات سترى متعه حقيقيه في التصوير وبتحس بالفرق, لكن فيها خراي جيوب
دمت ياخوي أخ متواصل على الدوام ..حفظك الرحمن

....

جوري الشرقية

هلا والله يالغاليه

شكراً لكلامج إللي يجبر الخاطر جبر الله خاطرج دوم
سرني مرورج اللطيف
وفقكِ الله ويسر امرج :smile:

.....

صافيا

يا صفاء الروح انتي ..شكلك تخافي من الحشرات انا مثلج ما أدانيهم لكن عدستي هالأيام طايحه في حبهم

لوتدرين بس الحشره الجايه إلي بعرضها محبوبة الجميع ..بتكون مفاجئه

اقتباس:

كلما رأيت ما صور بالماكرو تذكرت الغائبة الحاضرة تجلـّـي .. فـ هل من أخبار عنها ؟

انا بعد دايما تي على بالي ما انسى ايامنا معاها هي إللي حببتني بالماكرو ,إن شاء الله اتكون سامعتنا ومتابعتنا , وكنت اتمني اسمع رايها بتصويري

سلامي لج يا تجلي :smile:

استاذتنا صافيا احنا نتعلم منك وبإرشاداتكِ نستمر

دمتي بحفظ الله :smile:

.....

الأميره الصغيره

مرحبتين بأميربنا

الروعه تواجدج في محلي

ياعيني على الطلبات إللي تستهويني انا بعد اتمني اني اصور نمله لكن كاميرتي ما راح تخدمني في هالموضوع

لكن غالي والطلب هامبا الأخ فاتح راح ينفذ امنيتي وامنيتج
شفت ياخوي فاتح الطلبات عسب اتقول اني طماعه الحين انت استلم عني
لكن روضه مابترد طلبك ولو انتي آمري وبس ,بعد عدة شهور حطي خطين تحت عدة ان شاء الله اشتري عدسه ماكرو لأنه الحين ما اقدر سعرها 2800 تقريبا والجيبه خربانه:tongue:
ياريت يا اميره اتخبريني نوع سمكتك
إذا اتعيش بروحها وبدون مضخة الأكسجين يعني هي الفايتر(المقاتله) جميله جدا هذي السمجه الوانها عجيبه كانت عندي منها سابقا ولكن ماتت
أن شاء الله بجرب اصور هاي السمجه.

بارك الله فيج :smile:

صووووووووورة غريبة
شكــــــــــــرا