قصيده ميلوا بينه لشهداء الحويجه
 

ت

ميت انوح بحزن مهموم انعي وارد عل هل غوالي الكبل جانولي مثل الورد
اغرف اغرف يكلبي من بحور المرار وارد لي ما يسلك عنين بجاك وبأفأفه
ما اطلبت ضعنهم حيفا عليه وافه يادار اهلنه جذب لولج معاهم وفه


ميلو بينه يلي شلتوا النعش بله ميلوا بينه ... ميلوا بينه نودع اهلنه وعاده اليرحل اليودع اهله بدموعه من صورهم يملي عينه
ميلوا بينه الشوك هزنه الحضن أمنه ذيج الحبيبه الحنينه ... جلمه منها وجلمه منه حيل مشتاكين ومشتاكه الحجينه
ميلوا بينه عند امنه بس نودعها بجينه .... ميلوا بينه وشدعواكم ولو نظره ولو لمسه نحني بيها جفوف ايدينه ونتواهب اخاف زعلانه علينه
ميلوا بينه وعل مكان البي ربينه البيت اهلنه نودع ايامه وسنينه ... ميلوا بينه الحي حبيبتنه الحزينه بلكي بوسه زغيره منه بلكي لو شفناها مره رواحنه ترجع علينه
ميلوا بينه علبريمه هناك عدنه عتاب يايمه رتمينه هناك زلها الماحماها وخان بينه ... هناك صار فراك يمه هناك ضيعنه خوينه مودع ودربه سلام
ميلوا بينه هناك ضيعنه خوينه وينه شو ما بين علينه مودع ودربه سلام
ميلوا بينه وخاف يخلص هل نهار وهذي اخر ليله هينه
ميلوا بينه ولو بيه نوب ليله ماحجينه وما شكينه وما بجينه وماندهناكم يولوا ... ميلوا بينه برفع العنش وعالجسر وكفونه لحظه
جنه هينه زغار نلعب عالجرف يحظنه طينه ميلوا بينه وفررونه عالحويجه وعالمنازل دار دار وكولوا تراب الحويجه يون علينه
ميلوا بينه واحجوا قصتنه الولدكم وحجوا حظكم وكولوا للاجيال ماخنه وفينه


كلمات الشاعر مالك الحزين

امين يارب اسال الله ان يرحم اموت المسلمين والمؤمنين

ساوضحه لك شوي تحتاج تركيز
ميلوا بينه يلي شلتوا النعش ميلوا بينه
المعنى هم اموات محمولين على اكتاف الناس كي يدفنوا وكأن الميت يخاطب حامل النعش
ميلوا بينه المعنى ارجعو بنا الى ديارنا وامهاتنا كي نودعها والى ديرتنا نراها ونسترجع شريط طفولتنا

وتوضيح اخر كلمه البريمه هيه المنطقه التي سقطو بها شهداء ولكن هم من سكنه الحويجه

الله ياسلام على لهجتكم الجميله وانا الي فاهمه المعنى غير هذا 🙂
الي فهمته من معنى ميلوا بينه/ ماله بينه يعني ماله حس ولاطاري اي مختفي او غير موجود ..بلهجتنا 😂
زين ان غيوم استفسرت شكراً لها وشكراً لك احببتك اللهم عالتوضيح

يا هلا بالغاليه والاخت زهوور
ههههههه المعنى في الهجات صعب والاصعب اللهجه تبع الدوله فيها مفهوم بالعاميه وفيها البحت او نسميها
بلهجتنا ( اللغه الجلفيه ) اي مشفره فقط سكانها يفهموها
واشكركم لمروركم الرائع