منتديات موقع بشارة خير - ناتـج القسمه....

السلام عليكم ورحمة الله وبركاته

ناتـج القسمه

أنا ياريح ودي بك تجيب من الثرى نسمه
ترد الطير لغصونه يداعب همسة الاطياف

يميل الورد بفنونه يهادي للفجر بسمه
ويضم الصبح بأوراقه بداية صفْوّ من ميلاف

ويرجع حلمه الشاقي على كفوف الهنا حلمه
يشوف الامس من هااليوم يوازي كفة الانصاف

تعال نقيس ونعاين ونحسب ناتج القسمه
تشوف الحال من هاالناس تلون لونه الشفاف

ضيّع لونه الناقي ملامح غيرت اسمه
صار اليوم لااسود ولاابيض يلتزم بأعراف

كأن الليل يرسمها ثواني حلمهارسمه
وباقي الوقت ساعاته تذوب بنظرة الاجحاف

يحن الصوت للماضي يردد من قسا همه
يعيش اليوم من امسه ويجني من رضاه اصناف

وانا من حالهم اقرب ادوّر للوفا كلمه
تدل الدرب للدروبي تغير بالوجوه اوصاف

وتِدق بساعتي ثاني دقايق من ونَس عزمه
ارد اللهفه للكلمه بوادر شي مما طاف

عرفت إن ناتج الحسبه تغيّر من أمر حسمه
وصار اللون بين وبين قريب ولا وصل ينشاف

وتاه بغربتي اسمي تلاشى من رجا وسمه
تقول الوجد يكتبني سطور بصفحة الاسلاف

والآ ياريح لوتدري شومخي بالثرى جسمه
عزيز الطبع والمعني عزيز النفس والميقاف.

،،،،،،،،،،،،،،،،،،،،،،،،،،،،،،،،،،،،،،،،،،،
للشاعر /طلال سويعد.