منتديات موقع بشارة خير - تميس بالجبن....

السلام عليكم ورحمة الله وبركاته

تميس بالجبن

http://gulfupp.com/do.php?img=18605

(خبز التميس بالجبن من أجمل وأشهى المأكولات الشعبية والجميلة المنتشرة)

مقادير خبز التميس بالجبن :
ملعقه كبيره خميره
ملعقه كبيره سكر
كوب مويه دافيه
٣ اكواب دقيق
نص ملعقه كبيره ملح
ملعقتين كبيره زيت زيتون
جبنة شيدر
حبه بركه
سمسم.

الطريقه :
نخلط الخميره والسكر بكوب مويه دافيه ونتركها تتفاعل لمدة ٥ دقايق و نخلط المواد الجافه ونصب فوقها الخميره المتفاعله ونعجنها كويس الين ماتصير عجينه متماسكه وطريه نغطيها ترتاح لمدة ٤٥ دقيقه وبعد ماتتخمر نولع ع الفرن عشان يسخن على درجة ٢٥٠ اللي هو اعلى درجة لحرارة الفرن وبعدين نقسم العجينه لكورتين ونفردها ونحشيها جبنة شيدر ( نوع اللي استخدمته برايد ) ونقفل عليها ونرجع نفردها ثاني بس انتبهوا تخلوها رقيقه خلو سماكتها متوسطه وننقلها بصينيه مدهونه بزيت اذا ماعندكم صينيه مخرمه او لها فتحات عادي سووها بأي صينيه عندكم ولو كان تيفال افضل عشان تحمر من تحت اسرع وبعدين بالشوكه نسويلها فتحات وندهنها بحليب سايل ونرش فوقها حبه بركه وسمسم ونضغط عليها ضغط خفيف عشان تلصق فيها حبة البركه والسمسم وندخلها الفرن لمدة ١٠ دقايق او الين ماتأخذ لون من تحت نولع عليها من فوق ولو فرنكم يولع من فوق وتحت بنفس الوقت كويس واستمتعوا بالطعم ولاتنسوا الشاي الاحمر

================
من اطلاعي.