منتديات موقع بشارة خير - الهرج لامنه كثر حول موضوع....

السلام عليكم ورحمة الله وبركاته

الهرج لامنه كثر حول موضوع

الهرج ﻻمنّه كِثر حول موضوع
تشعّب الموضوع واصبح مواضيع

مفروض ما للهرجه اقسام وفروع
من شان مانحتاج مشروع تجميع

أحيان تلقا الهرج في سطر مجموع
واحيان يبغاله مطابع وتوزيع !

الاختصار اللي به الزود ممنوع
أفضل من السرد المزوّد ب تسريع

كم كلمةٍ تنشي ثمانين مشروع
وكم هرجةٍ طالت ولدّت مشاريع

أحدٍ كلامه لاتكلّم يجي نوع
واحدٍ ينوّع وجهة الهرج تنويع

النوع الاول ياصف الكوع بالكوع
والنوع الاخر يلحق الكوع تكويع

تمّ الكلام وباقي الهرج موضوع
للهرج حدّ وللسفر فيه توديع.

====================
للشاعر/عبدالعزيز سعد الحربي.