|
أمي سبب موتة احاسيسي.....
السلام عليكم ورحمة الله وبراكاته أمشكلتي مع والدتي أمي ... أمي معاملتها لي قاسيه جدا جدا ولا احس باي احاسيس تجاهها من ناحيتها اشرح لكم معاملتها ولكم الحكم أمي عمرها ماضمتني او مدحتني او تكلمت معي بلطف أبدا امرض والدي يوديني المستشفى ولا تجي معي نهاااائي أبوي للي يهتم فيني وبصحتي اما امي تكرهني كنت اعاني من كيس دهني في كفي وطلبت منها ان تمشط شعري وتذمرت مني اتقرب اليها مثلا اضع راسي فوق رجلها فتبعدني تقولي ابعدي ولا عمرها سالت عني بمدرستي كثير ماترغمني بعمال المنزل ونا متعبه تعاملني غير اخوتي لا اخبي عنكم ف انا كرهت امي منذ الطفوله لان كانت تقولي ابوك خاصمني بسببك وتسبني وتشتمني الي ان اصبحت شابه والان ع وجه زواج انا لا احب امي لانها تسخر مني وتضحك اخواني علي وتشجعهم بأهانتي بالكلام الجارح وعدم احترامهم لي ...... اكلمها تسكتني وتصرخ علي ولمن اكون تعبانه ونايمه تحرش ابوي باني اكذب حتى لا اقوم بمساعدتها تفتري علي وتظلمني وتطلعني قدام ابوي اني انسانه فاشله ولا استحق الاهتمام ماتبي ابوي يسمع لحديثي ترمي ملابسي بغرفتي وتنثرها بكل مكان تفتخر عند الناس انها تعاملني كا عمه لي ولا ادري اش خطيتي ابكي منها الممممم وحسره على حالي فقدت شهيتي للاكل صار وزني 35 بضبط عندي قالون عصبي كنت رح اضيع والسبب امي الخطبه ماكانت بارادتي تقدم الشاب وقررت الهروب من هذا المنزل ولاحافظ على سمعتي والسبب من امممم وليست عدوه أحيان اتسال هل امي تحبني ام لا.. هل هي امي فعلا او لا أنا اكرهها جدا جدا جدا الله لايسامحها ع كل شي سوته لي من ضرب واهانه وظلم وقهر وربي بيحاسبها ع كل هالظلم وعدم اعطائي الحنان الكافي |
وعليكم السلام ورحمة الله وبركاته أختي الكريمة أسأل الله أن يسخر لك والدتك ويحنن قلبها عليك. بارك الله فيك حاولي التقرب منها بالسمع والطاعة وخدمتها وأكثري من الاستغفار لعل الله أن يسخرها لك حاولي ترفعين وزنك شوي وأسأل الله أن يرزقك بالزوج الصالح عاجلاً . وأبشري بالخير دعواتنا لك. |
وعليكم السلام ورحمة الله وبركاته
عزيزتي مافي أم ماتحب عيالها يمكن أمك من النوع الي ماتحب تظهر محبتها لأحد ولكن في داخلها حب وخوف عليك أعرف أمهات كثير لاتظهر المحبه ولكن في داخلها محبه وخووف على أولادها أنتي يمكن حساسه وتدققين على اي تصرف تسويه أمك على انه تكرهك تغاضي عن بعض حركاتها او تصرفاتها لأنها أكيد ماتكرهك والوقت راح يبين لك كلامي كل الي عليك الحين عزيزتي تهتمين بنفسك وبصحتك واهم شي اهم شي أمك أبدا لاتعصينها واسمعي كلامها ومأجوره بإذن الله ودعواتي لك أن الله يألف بين قلوبكم الله يحنن قلب أمك عليك وتذكري مهما صار لاتدعين على أمك عليك بالصبر الله يوفقك يارب في حياتك والله يصلح حالكم يارب |
مشكورين على مشاركتكم
امي عصبيييييههه تحب الاولاد اكثر انا معها بكل شي لكن اخر شي تفكر فيه هوا انا وهذا الشي ماثر على نفسيتي وصحتي اذا شافتني سعيده تزعلني مثلا انا كنت ادرس ورجع تعبانه فيني نوم تقول انتي تطلعي وتجي ماتحسي فيني اني طفشانه ايام اختباراتي ماكانت تخليني اذاكر والله ماكانت تخليني اذاكر بعد دراستي وتخرجت من الثانوي رحت تحفيظ قران منعتني وبدخله والخرجه تخاصم وللي ماخذ عقلك التحفيظ وامك بالبيت ماتبي اطلع اي مكان وهي موجوده ولا راضيه تجي معي امي ماقدرت افهمها ولاتحب صحباتي ولا تبي تتعرف عليهم ولا تبي اكلمهم ولا يكلموني ماتبي احتك باحد حتى زوجات اخواني انا مملكه حاليا ماتبيه يكلمني وتحرش ابوي علي ان خطيبها يكلمها خاصمها ماعمرها جت قالت اش ناقصك اش تبين ابدددددااا اختي الكبيره هي امي واختي هي تسال عني وربي وربي احتاج كثير اتكلم مع امي لكن ماتفهمني ولا تعطيني وجه في مشاكل اعاني منها امي ماتدري بس اختي تعرف فلا تلوموني مع امي هي قاسيه من وعيت ع الدنيا عانيت في سن المراهقه من امي كثير واعاني لمن الان يقولو القلب يعرف من يحبها ومين مايحبه انا امي ماتحبني وقالتها لي وهي بقمه الرواقه وتضحك انا ماحبك وتقول ماتدري ليش رغم انا احسن اخواني لها قسم بالله اشتري لها باقات ور واهديها ماتقول شكرا جوالها انا ماخذته لها ماقالت بنتي جابت لي انا اذا زعلت مني اراضيها واسفه وتفداها وهي تبعدني ماترضى المسها ابدا اي شي احبه تكرهه ماتبي تستقبل احد من طرفي في بيتنا لمن اصلح اكل ماتاكل منه اذا ابوي مدح اكلي ماعاد تخليني اسوي ابوي صار يقول كانكم جارات ماتبيني امي تحب اخدمها بس لكن قسم بجلال الله اني كرهتهاا اذا تزوجت حلفت ماجيها وهي ماتبيني ولا انام عندهم بنسبه لي امي ماتت لان معاملتها الان ماهي معاملة ام لبنتها واحس دعواتي تستجاب وصارت تبكي من اخواني للي تحبهم اكثر مني ونا اقول احسن لان انا للي ادور رضاها ولا اهتمت فيني ☹ |
ميتتة الاحساس ...اشاطرك الهم وربما امي فااااقت امك
بالظلم بنا مرات تكون قاااااصدده واحيانآعن جهل ... سمعت كثيرآ منها ياليت ماجبتكم تقصدنا(البنات)...جمله ترددها دااائمآ وووامور كثيره اكل عليها الدهر والشرب ....وونفس ماتفعل امك تفعل امنا وزيادده..لكن انتي افضل مني باإهتمام ابيك فيك... عكسنا تمامآ...وتنطبق علينا مقولة ليس اليتيمُ مَن انتهى أبواهُ مِن هَمِّ الحياةِ وخَلّفاهُ ذليلا إنّ اليتيمَ هو الذي تلقَى لهُ أُمّاً تَخَلّتْ أو أباً مَشغولا»* |
كان الله في عونكم
الله يحنن قلب أمهاتكم عليكم يارب طيب بسألك قد جلستي معاها وصارحتيها كل الي في قلبك وأساليها عن سبب قسوتها معاك اجلسي معها وفضفضي وتصارحو |
حياك الله اختي
ارى ان والدتك لديها امر نفسي لايمكن لام ان يصدر منها ماذكرتي الا بسبب نفسي وانتي ذكرتي انها تقول والدك خاصمها بسببك ارتبط هذا بك وقد تكون غيرة من اهتمام والدك بك ومن الاسباب ايضا الحسد قد يفرق بين الاسرة حصني المنزل بالذكر لتحفكم الملائكة وتبعد عنكم الشياطين جربت ونفع الله بها كثيرا احرصي على اذكارك ووردك من القرآن وعليك بالدعاء والتقرب لها بالبر بر الوالدين باب يفتح كل خير واحتسبي الاجر واسألي الله ان يألف بين قلوبكم الدعاء الصادق عجائبه كثيرة لمن وفق له واستغل اوقات الاجابة لن يردك الله ان طرقتي بابه هو الكريم سبحانه صدقيني امك تتألم اكثر منك من تصرفاتها لكن كماذكرت لك شئ في نفسها سيطر على تصرفاتها وقد تكون تحتاج علاج نفسي والكثير يهرب من هذا الامر وهو طب بفضل الله يساعد على تجاوز االصعوبات بعون الله اعرضي الفكرة على والدك واطلبي منه ان لايظهر امامها اهتمامة بك ويهتم بها ويحسن معاملتهاحتى تشعر بالامان اسأل الله ان يدخل السكينة والالفة والمحبة بينكم |
امممممي انسانه مدري اش اقولكم عادي اتهمتني بسرقه انه اخذت من عرفتها فلوس وفتشت غرفتي ومالقت ونا ابكي واحلف اني مامديت يدي ع شي مو لي بعدها بكم شهر حصلنا اخوي ماخذها
تفكرون امي فكرت فيني لا وربي طيب مواقفي بالبيت انا لمن تجيني الدوره استحي مره انه اتكلم امي تفضحني قدام اخواني قومي تروشي ماخلصت منك زي كذا تتكلم قدامهم مو حرام عليها تسوي كذا لازم الواحد يفضفض يتكلم مع انسان يثق فيه انا امي ماقدر اثق فيها اقولها سر الاقي الناس كلهم يعرفونه عندي زوجة اخ استغلت هالشي وبعدي عن امي صارت تقولي لازم تروحين من هالبيت وتتزوجي كانت تحاول تعرفني ع شباب تبيني اضيع ونا فوق سجادتي ادعي ربي يسهلي ويحفظني من كيد الحريم اش الفايده من وجود امي بالحياه وهي ماتدري عني للعلم الان عندي اكياس فوق المبايض ودي اقول لامي هالشي بس قلت اذا تزوجت لان زواجي قريب وبيتفهم هالوضع ان شاء الله لان امي لو اقولها مرح تهتم ابببببدا وبتقولي اذا مريضه روحي تعالجي مرح تجي معي ولا تساندني ولا توقف معاي ابدا كل يوم يمر علي احسه بطييي ودي يجي يوم زواجي سريع ابي اروح خلااااص تعبت بعد زواجي بختم القران واحفظ زوجي واهلي مرح اجيهم وجعلني ما احتاجهم ابدا لا اولاد ولا اخت ولا ام بس ابوي بزوره واتهتم فيه لاخر عمري لان الحنان مالقيته الا منه اتعب الاقيه جنبي يضمني يحب سوالفي حتى لو سالفه يعرفها يسكت ويخليني اكملها كانه اول مره يسمعها ويعلق عليها قسم بالله حتى اسماء صحباتي حافظهم ويعرف بنات مين ويشجعني وبتحفيظ يفرح لاجبت درجات عاليه ويحب اني اقرا واعلمه ويجلسني جنبه وقت الفطور او الغدا والعشاء دايم يقول اني حنونه وغير اخواني بس في الفتره الاخيره ماصار زي قبل لان امي منعته يجي غرفتي ويصحيني صار من بعيد الي بعيد بس حبه لي اشوفه بعيونه يسال عني اذا كنت بغرفتي وماطلعت اذا زعلت يقول اشفيها مدلعني باسمي يشكيلي همومه يقولي اصبري ع امك ولك اجر يتكلم معاي كككككثثثثثييييرررررر اقدر امزح معاه واضمه واسلم عليه بس امي عععععععكككككسه انسانه جافه ماتحب اتكلم معها تقاطع كلامي اذا تكلمت مع اخواني او مع ابوي اتكلم معها تكلم اخوي وتسفهني حاولت اتقرب بس مافي فايده كل مالها تزيددددددد |
اقتباس:
والحمد لله عندك أخت اكبر منك ترجعين لها نصيحتي لك بارك الله فيك أطلبي من أختك أن تطلب من أبيك أن يكلم زوجك ويحددون موعد زواجك وأن يحاول والدك أن ييسر جميع أمور زواجك لسعادتك وإن شاء الله ترتاحين مع زوجك وتمرين على والدتك مرور الكرام بين الحين والآخر وتنتهي معاناتك مع والدتك بعون الله، وفقك الله ويسر أمرك. |
اقتباس:
بارك الله فيك حاولي أن تتقربي لوالديك وتصبري وأحتسبي وأكثري من الإستغفار والدعاء أن الله يرزقك بر والديك ويسخرهم لك ويرزقك بالزوج الصالح عاجل غير آجل والحمد لله رب العالمين. |
| الساعة الآن 1:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab