السلام عليكم ورحمة الله وبركاته

الليالي مشاكلها عراضٍ طوالي
للنفوس الشقيّه .. والنفوس السعيده

غارة من يمين .. وغارة من شمالي
توهمك بالهدوء وعاصفتها شديده

يا وجودي على الراحه وياوجد حالي
ليت مالي مع الشعار ولانشيده

ايه ياذا الزمان اللي غزاني لحالي
كل يوم على الهاتف يجيني قصيده

ذي معاتب حبيب وذي مشاريه غالي
وذي تخفض من السكر والاخرى تزيده

والعرب علمهم بي يوم صدري شمالي
والليالي ماقفت به لا يمكن تعيده

روّحت مع مهب الريح يا هملالي
ماحدٍ جت له الدنيا على ما يريده

والتجارب عطتنا ميزة الاحتمالي
ودرّستنا مشاوير الحياة البعيده

ان مابه حياة الا وراها زوالي
والبنادم بهالدنيا شبوحه بعيده

مير ماهيب لا مكسب ولا راس مالي
كود من حط قولة والنعم في رصيده

وطاب عند البعيد وطاب عند الموالي
وله نصيب الاسد من الخصال الحميده

وان تثنت عزوم مشوربين العيالي
عزمه اقوى من ظروف الحياه العنيده

يرتكي بالمناكب للحمول الثقالي
والظفر يطبخ من راسه ليا وريده

خل فعل العمام .. وخل فعل الخوالي
ندري انك ولدهم والعلاقه وطيده

وندري ان فعلهم يستر بنات الحلالي
حتى لو جدك كحيلان وانته حفيده

اما حث القدم واطلع على راس عالي
والا خلك كذا وان مت ما انت بفقيده

سلطان الهاجري

‏https://youtu.be/4XJ_DwYkEBs

نورتيني ياشوق الف شكر لك ربي يسعدك 💐

حضورك أجمل زهور شكرا لك 🌹