توك صغيرة
 

السلام عليكم ورحمة الله وبركاته



قصيدة عجبتنيـ ....


توك صغيـره وأبتديتـي تحبيـن
من علمك ليل السهر ياصغيـره ؟

بدري عليك العشق يابنت هاللحين
حرام هذا القلب وشهو مصيـره ؟

أنتي بريئه في الهوا ليه تشقيـن ؟
دروبه طـوال ٍ عليـك وعسيـره

رحتي بدرب ٍ ماله أصلا ً عناوين
وأنتي مشاويرك من أول قصيـره

ياطفلة ٍ حبّت وراحت على وين ؟
عقب الهنا ذقتي الحيـاه المريـره

وينك ووين الحب والشوق والبين ؟
عنّيتي عيونك وصرتـي سهيـره

أمحق تسلّـي كـان ودّك تسلّيـن
الورد لولا اللون وشهو عبيـره ؟

خلّيتي دروسك وصرتـي تحاتيـن
الدرس في ديره وصرتـي بديـره

وصرتي بعد من غير هذا تغارين
والمشكله يابنـت منتـي خبيـره

نصيحتي لـك كـان ودّك ترديـن
يـم السعـاده والحيـاه المثيـره

خلّـك بجـو العايلـه لا تعدّيـن
ماما وبابـا والعجـوز الضريـره

شيبانك اللي مـا يبونـك تعانيـن
من بينهم عشتـي كأنّـك اميـره

الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره

الحب يفضح لا انكشف داخل العين
وأنتي بنفسـك ماهقيتـك بصيـره

طيعي كلامي واحذري لا تماديـن
تراجعي لاعل في الأمـر خيـره

عيشي الطفوله والبراءه لك سنيـن
وبعدين حبـي لا غديتـي كبيـره

زوجك وعيالك وأهلك بينهم تفرحين
خير لك من حب عواقبه مريرة


طبعا مثل العادة لطش وملطوش الا البيت الاخير انا الفته ليتضح المعنى أكثر وهو


زوجك وعيالك وأهلك بينهم تفرحين
خير لك من حب عواقبه مريرة

جزيت خيرا اخي راااااااااااااااائع

يعطيك العافيه
والحب روح ناس كثير في خبر كانا

واياكم

شكرا على المرور

كلامك سليم


الله لا يزيغ لنا عقل

شكرا على مرورك الرائع

مرورك الرائع يا مها

خلّـك بجـو العايلـه لا تعدّيـن
ماما وبابـا والعجـوز الضريـر ه
ليت العائله كانت في الوجودلاصبحت الحياة اطيب من ريح الورود
مشكور يالحربي على هالقصيده ولاتحرمنا من لطشاتك الرائعه

أحلى بيت اللي انت كاتبه
مو مجاملة ترا

الف شكر

الله يرزقك ما يسعدك في الدنبا والأخرة

شكرا على مرورك