منتديات موقع بشارة خير - عطايا النوح....

السلام عليكم ورحمة الله وبركاته

عطايا النوح

وش سوات اللي تعنى وزاد همه يامعاني
ويتذكر مامضى له يوم قفت به سنينه
.
وارتجف رجفة خفوق ضايع بين المحاني
ويتهادى مثل حلم قام يذبل ياسمينه
.
بين امان وبين خوف وبين هم مانساني
في بحر والموج عاتي من على متن السفينه
.
يصطفق بي قو موجه بالدقايق والثواني
واستمع للقلب نوح بس مابيح كنينه
.
كان ودي للبواخر ترسي بذيك المواني
وماتخليني بوقت قاسي ماشفت لينه
.
الهواجيس اتعبتني وصرت انا منها اعاني
وصرت انا امن جور وقتي للندم مثل الرهينه
.
مارتضي من عز شاني للمذله والهواني
وكل ظالم لو تمادى ينبري له من يهينه
.
سايرة بدروب ربعي اهل الفعل العياني
وانتهج منهاج مسلم ماعرف درب الضغينه
.
لي شموخ وزود عفة واستقامه واتزاني
ان سكنت البر والا بالقرايا والمدينة
.
والبشر اشكال منهم من يدين ومن يداني
ومن يحسب للنشاما والنشاما حاسبينه
.
كم صديق مايتتقى يشبه سهيل اليماني
وان نصيته ماتعذر والندى فاض بيدينه
.
واطلب الله جل شانه من هل الشر يحماني
ويلهج لساني بذكره والتزم منهاج دينه.

______________________

للشاعرة/نوض سدير.