|
قصيدة بعد الإنهيار الأخيرللأسهم
قصيدة بعد الإنهيار الأخيرللأسهم
الله لا يجـزاك ياسـوق بالخـيـر= أنا اشهد انـه راح مالـي خسـارة عوّدت اجر الصوت عقب المخاسير= واقول انـا مالـي ومـال التجـارة اصبحت عقب المال مديـون للغيـر = وعقب الجيوب اصبحت راكب غمارة والراس شيّب واشتغـل بالتفاكيـر = والفقر في بيت الغنـا شـب نـاره والراتب أقسـاط وايجـار وفواتيـر = لاعندي ارض ولا بملكـي عمـارة رحنا ضحايا فـي يديـن الهواميـر = الحـظ تـارة والهواميـر تــارة في سوقنا الغاشـم أكلنـا خوابيـر = سوقٍ مع الهزة تناثـر غبـاره الشعب صاروا في صفوفه طوابيـر = لكنـه أعلـن للجميـع إنهـيـاره هـذي زراعيـة وهذيـك تعمـيـر = طاحت مثل ما طاح بـرج التجـارة قلنا يبي له وقـت ويصيـر تغييـر = يرتـد وضعـه ويتعـدل مـسـاره لكن تعلقنا ... ويالله عسـى خيـر = مادام راسك حـي مابـه خسـارة الشاعر خالد الزهيري |
لكن تعلقنا ... ويالله عسـى خيـر = مادام راسك حـي مابـه خسـارة
*********************************** قصيدة رائعة جداً تسلم انا ملك وصح لسان الشاعر ... الله يعوض المسلمين خير آمين ... اختكم في الله ... مــهــا... |
شكرا لك والله يعوض الخاسرين بماهو خير
|
الله المستعان على هالاسهم اللي جابت لنا المشاكل
حسبنا الله ونعم الوكيل وجزيت خيرا اخي على المشاركة |
اصبحت عقب المال مديـون للغيـر = وعقب الجيوب اصبحت راكب غمارة
مشكور يالحربي قصيده اروع من الروعه وبارك الله فيك |
مها
يمامة الوادي موادع حنين 2006 شكرا على التفاعل الرائع |
مها
حنين يمامة الوادي موادع مروركم أكثر من رائع |
مشكوووووووووووووووووووووووووووووووووور
|
صح السان شاعرها .. والله المستعان .. كنا نبي نصير ملياردير واصبحنا مديوندير :)
|
| الساعة الآن 1:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab