منتديات موقع بشارة خير - ما قلت لي شي ! وش خليت ما قلته ؟! ~

منتديات موقع بشارة خير (https://www.22522.com/vb/index.php)

- منتدى الشعر والنثر (https://www.22522.com/vb/forumdisplay.php?f=32)

- - ما قلت لي شي ! وش خليت ما قلته ؟! ~ (https://www.22522.com/vb/showthread.php?t=385936)

ما قلت لي شي ! وش خليت ما قلته ؟! ~

ما قلت لي شي ! وش خليت ما قلته ؟!
اسكت وخل الكلام لِ جرحي الدامي

لو غيرك إلي يسولف ما تحملته
لكن علشان عينك هانت ألامي

للحب مفهوم عمرك ما تخيلته
ما أظن يستوعبه تفكيرك السامي

هذا الفراق الطويل وهذي أسئلته
هذا حصاد السنين و هذي أيامي

حتى طريق الفراق إللي تساهلته
لقيته أصعب على نفسي من أقدامي

أصبر شوي لو دمي تثاقلته
بحاول أستوعب اللي صار قدامي

الحب ضحكه بعينك بس ما طلته
عمرك بهالكون شفته أبسط من أحلامي !

القلب لو ما خفق لك كان ما شلته
ولو ما أنت ملهم قصيدي جفت أقلامي

العام طاري غيابك ما تقبلته
واليوم حرماني أصبح مصدر إلهامي

لا تعتذر لي وبنسى كل ما قلته
وش ينفع العذر لامن ضاعت أيامي

~

منقول ...

هذا الفراق الطويل وهذي أسئلته
هذا حصاد السنين و هذي أيامي

قرأتها,,وأحسست مابها من احساس.

"حروف القوافي",,
اشكر لك ذائقتك في الحس الشعري,,
في شوق لجديدك.

غيوم ممطرك
اشكرك ع مرورك العطر
نورتي

~

لا تعتذر لي وبنسى كل ما قلته
وش ينفع العذر لامن ضاعت أيامي

بيت جميل وقصيدة رقيقه ..

تسلم / حروف القوافي ..

عبد الله الصالح
شكراً لمرورك العطر
~

شـكــ وبارك الله فيك ـــرا لك ... لك مني أجمل تحية .