أعينونى أعانكم الله.. لقد تعبت فعلا .. الدى اس ال اعمل فيه ايه؟؟؟؟؟؟؟؟؟؟؟
 

السلام عليكم ورحمة الله وبركاته


لو تعلمون كم عانيت فى انتظار الصفحة حتى تفتح حتى اكتب هذا الموضوع
كنت على وشك ان ابكى اواطق امام الجهاز بسبب البتاع ده اللى اسمه دى اس ال

كان حلم وطلع كابوس


كان حلم اركب ادخل فى المنزل الدى اس ال من فترة شهور والفكرة فى رأسى والحمد لله سرعة التليفون كانت جيدة ولكن كان يفصل كما تعلمون من وقت لآخر والدى اس ال افضل ومن المفرووووووووووووووووووووووووووووووووووووووووووووو وووووووووووض أنه أسرع


لكن جاءت الحقيقة المؤلمة

الدى اس ال بطيييييييييييييييييييييييييييييييييييييييييييييييي ييييييييييييييييييييييييييييييييييييييييييييئ

ولا يفتح الصفحات

انا اجلس امام الجهاز منذ الساعة 6 مساء تقريبا لم اقم الا للصلاة والعشاء وفى انتظار حضرة الدى اس ال عشان يفتح الصفحات

اما لا يفتحها نهائيا ويعلق او يفتحها ولا يكمل فتحها


وعلى ما يفتح اكون تنفست الصعداء


اتصلت بالشركة وهى تابعة لشركة احمد بهجت فى مصر وقلت لهم

قالوا لى ازيلى الفاير وول وازيلى الانتيى فيرس وشوفى المهندس اللى ركبه لكم وشوفى السويتش اخى قال ان السويتش شغال كويس

طبعا انا مش فاهمة اشوف ايه فى السويتش بس اخى قال انه كويس وحتى الجهاز التانى بيقى بطئ برده

قلت لهم ازلت الانتى فيرس والفاير وول وعملت فورمات للجهاز يعنى الجهاز على الزيرو


وبردة النت مش عايز يمشى

قالوا يبقى عندك فيروس قلت الجهازين المتصلين به عملنا ليهم فورمات وزى الفل

والجهازين فى منزلنا والخطين فى منزلنا ونادرا ما نفتح الجهاز الثانى وتقريبا انا فقط من استخدم الدى اس ال


أعصابى تعبت

لى 5 ايام على هذا الحال

نادرا ما ينصلح حاله وينزل ثم لا يلبث اقصى وقت يمكثه على هذا الحال هو ساعة ثم يعود للسوء من جديد


يعنى انا الان اعمل بخط دى اس ال من شركة احمد بهجت وسرعته 265 وله خطين خط لى محو ل بسويتش على جهازى والآخر متصل بجهاز ثانى
والجهازين تم عمل فورمات لهم.. وتم تعطيل الانتى فيروس والفاير وول وواحدهما دوما مطفئ واعتقد ان اخى احيانا يشغل الفايروول او الانتى فايرس على التانى


مالعيب هل وأين ؟؟؟؟؟؟؟؟؟؟


هو فى ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!


طالما انه ليس فى الشركة ولا فى الجهاز

يا جماعة الله يكرمك ويسعدكم

انا مش بهذر والله
بجد خلاص اعصابى تعبت
اصبر واثابر بالساعات ولا اصل لبغيتى الا بعد ما اتخنق لو وصلت كمان


اريد حلا سريعا الله يكرمكم

ويارب شركة تانية سريعة تفتح عشان اشترك فيها


ومعلش اعذرونى فى كلامى بس اصلى مخنوقة على الآخر خمس ايام حوالى 10 ساعات ويزيد افتح الجهاز ولا انجز شئ كل يوم

والظريف من ساعة ما وصلت الدى اس ال كمان مش عارفة اشتغل على التليفون


:mad: :frown:

الله فى عون العبد ما دام العبد فى عون أخيه

السلام عليكم ورحمة الله وبركاته


معلش يا صافيا

الله يكرمك
انقلى الموضوع لقسم الكمبيوتر

وضعته بالخطأ
ما هو على ما الصفحة فتحت ما بقيت شايفة اضع المواضيع فين

:(

الله يكون بعونك

ونا زيك اختي مركبه دي اس ال من زمان
والحمدلله شغال

بس هلالاسبوع فصل علي

مدري ليش

صراحه ماعندي خبره فيه

أهلاً بكِ أختي الهديل ..

والمشكلة ببساطة سببها شركة الإتصالات التابعة لكم ..هذا إن كنتِ متأكدة من أن جهازكِ سليم 100% ..




شكراً لكِ ..


..

أختي هديل لو كان لي معرفة بحل مشكلتك ما تأخرت عليك

أختي


إذا كانت لمبة التصفح هي العطلانه أعيدي تعريف المودم وإن شاء الله تنحل لأنه يصير معاي كذا وبعد إعادة التعريف يرجع يشتغل .

أنا مع اختي من زمرة المتقين ...
من ثواني كنت اتكلم مع شقيقتي وكانت تبين لي وتشرح كيف أن ضعف الدي اس ال في كل بلاد سببها الشركه مو الجهاز....
الخدمه تعبانه اختي مو الجهاز...
والله يعينك...

السلام عليكم ورحمة الله وبركاته


جزاكم الله خيرا جميعا
يعنى السبب فى الشركة
وهم بيقولوا السبب ممش فينا وواصل لكم 200 من 256 سرعة الدى اس ال
لا حول ولا قوة الا بالله


طيب

هاتصرف ونسالهم تانى

ربنا يكرمكم

يعنى لايوجد اى سبب آخر ممكن يسبب هذه المشكلة؟؟؟؟

وبارك الله فيكم جميعا

اختى الكريمه الهديل السلام عليكم و رحمه الله و بركاته

انا اشترك فى نفس الشركه فعلا و نفس المشاكل تحدث معى و لكن من المده التى تقولين عنها لم يحدث مشاكل
كل المشكله هى وجود ضغط فى الشبكه منز ترخيص ثمن الاشتراك فاصبحت ال 256 تساوى فعلا 128 و فى احيان قليله تصل الى 256 ولكن فى كل الاحوال سواء 128 او 256 تكون المشكله ليست كما تقولين
اول مشكله تكون من نوعيه الراوتر ضعيه فى مكان جيد التهويه
و اغلقيه بعد انتهاء عملك و ليس فقط تغلقين الكمبيوتر لا اغلقى زرار الباور ايضا حتى يرتاح و شغليه عند حاجتك للعمل

ثانيا نوع الاسبليتر يوثر فعلا على الكفاءه و كما هو واضح من كلامك ان التليفون يوجد به شوشره
الحل كما حللته هو شراء اسبيلاتر ماركه دىلينك حيث الزى تملكيه الابيض تليكوم ليس جيدا و سعره 15 جنيه اما الدى لينك سعره فى حدود ال 45 و عند تركيب التليفون ستفاجئين بمدى كفاءه
الصوت و لا يوجد اى شوشره
ثانيا يفضل ا لا يوضع عده تليفون كثيره فى المنزل حيث كفاءه التوصيلات تؤثلر على كفاءه الدى اس ال
ثالثا فى اعدادات الراوتر بالنسبه لهزه الشركه فهى تقدم لك هزا الرقم 194.79.113.30هو خاص باحمد بهجت و لكن هناك حيله صغيره
المكتب الزى تتعاملين معه يقدم خدمه لنيل اونلاين ايضا و هى شركه انترنت اخرى خطوطها اسرع و افضل
و الاثنان تابعان لنفس المكتب هو فرع او توكيل للاثنين
و لكن لتحويل خطك او رقم تليفونك لهزه الشركه يتطلب ان يكون السنترال الزى تتبعيه يوجد به مقسمات خاصه لشركه نايل اون لاين و انا اعلم انهم لم يركبو هناك للان فقد مررت بمثل ما تعانيه
فالحل
كان عندى فى الراوتر و هو استخدام رقم اخر
دى ان اس dns خاص بلاين اون لاين و هو 80.75.166.250 ههه متقوليش لحد عليها بينى و بينك بس

عموما ان اردت مساعده اخرى لن اتاخر عندك ان شاء الله
هو عندك مجموعه مشاكل بسيطه ان شاء الله ستحل و لكن عليك بالصبر و الهدوء
يوجد مشكله لا اتمنى تكون عندك ان يكون خط تليفونك اصلا سىء الواصل من السنترال و الى كابينه منزلك
و هى مشكله بالكابل نفسه
و لا يوجد لها حل الا من السنترال و الا هو تغير السلك و نقلك الى سلك اخر فى نفس الكابل و تسمى عندهم برايمرى
ههههه و هى من السنترال نفسه و لا يوجد دخل بشركه النت لها لكن يوجد هناك مهندس فى المكتب يعمل فى السنترال
لا اعتقد انه سيحلها انا بتكلم من خبره كبيره اوى معاهم هههه
و لكن من يفعلها الروتين غبى هههه

نسيت اقول حاجه مهمه

هههه
هما دايما بيضحكو على الناس دايما بموضوع الانتى فايروس و الفايروول و وجود فايروس فى الجهاز ههههه
و هما عارفين الحقيقه و بيجربوا و عارفين انهم مش حيقدروا يعملو حاجه لانه مش بايدهم هههههه

اختى الكريمه الهديل السلام عليكم و رحمه الله و بركاته



وعليكم السلام ورحمة الله وبركاته أخى ا لكريم ميدو مش



انا اشترك فى نفس الشركه فعلا و نفس المشاكل تحدث معى و لكن من المده التى تقولين عنها لم يحدث مشاكل
كل المشكله هى وجود ضغط فى الشبكه منز ترخيص ثمن الاشتراك فاصبحت ال 256 تساوى فعلا 128 و فى احيان قليله تصل الى 256 ولكن فى كل الاحوال سواء 128 او 256 تكون المشكله ليست كما تقولين




طيب خييييييييييييييير




اول مشكله تكون من نوعيه الراوتر ضعيه فى مكان جيد التهويه
و اغلقيه بعد انتهاء عملك و ليس فقط تغلقين الكمبيوتر لا اغلقى زرار الباور ايضا حتى يرتاح و شغليه عند حاجتك للعمل


هذا ما أفعله أغلق الكمبيوتر وأغلق الزر الخاص بالراوتر وافصل الترانس الخاص بالسبليتر نهائى



ثانيا نوع الاسبليتر يوثر فعلا على الكفاءه و كما هو واضح من كلامك ان التليفون يوجد به شوشره
الحل كما حللته هو شراء اسبيلاتر ماركه دىلينك حيث الزى تملكيه الابيض تليكوم ليس جيدا و سعره 15 جنيه اما الدى لينك سعره فى حدود ال 45 و عند تركيب التليفون ستفاجئين بمدى كفاءه
الصوت و لا يوجد اى شوشره


والله يا أخى انا مش مستوعبة بالضبط هذه الجزئية معلش سامحنى

التليفون العادى كويس مفيهوش شوشرة ولا شئ المشكلة كانت لما كنت اشتغل على خط التليفون قبل الدى اس ال كان بيفصل..

وبعدين لما ركبت الدى اس ال لم يعد بامكانى استخدام خط التليفون للدخول على النت قلت يمكن ده بسبب السبليتر

طيب سؤال

لو انا جبت السبليتر التانى ده ووضعته هيحسن من كفاءة الدى اس ال وسرعته ولا هيحسن من صوت التليفون مش مهم صوت التليفون انا عايزة الدى اس ال الأن .. وصوت التيفون الحمد لله زى الفل.. يعنى هيفدينى فى تحسين كفاءة الدى اس ال ..أجيبه لو كان بمية جنيه بدل ما يجيلى الضغط من الدى اس ال .. المثل بيقول هين قرشك ولا تهين نفسك


ثانيا يفضل ا لا يوضع عده تليفون كثيره فى المنزل حيث كفاءه التوصيلات تؤثلر على كفاءه الدى اس ال



الحقيقة فى 3 عدد تليفون واحد فى الشقة التى بها الجهاز التانى وواحد عندى وواحد آخرملوش دعوة بالموضوع ودول مستحيل الاستغناء عنهم لن وصلاتهم راكبة وخلاص



ثالثا فى اعدادات الراوتر بالنسبه لهزه الشركه فهى تقدم لك هزا الرقم 194.79.113.30هو خاص باحمد بهجت و لكن هناك حيله صغيره
المكتب الزى تتعاملين معه يقدم خدمه لنيل اونلاين ايضا و هى شركه انترنت اخرى خطوطها اسرع و افضل
و الاثنان تابعان لنفس المكتب هو فرع او توكيل للاثنين
و لكن لتحويل خطك او رقم تليفونك لهزه الشركه يتطلب ان يكون السنترال الزى تتبعيه يوجد به مقسمات خاصه لشركه نايل اون لاين و انا اعلم انهم لم يركبو هناك للان فقد مررت بمثل ما تعانيه
فالحل
كان عندى فى الراوتر و هو استخدام رقم اخر
دى ان اس dns خاص بلاين اون لاين و هو 80.75.166.250 ههه متقوليش لحد عليها بينى و بينك بس




انا بقى مش فاهمة الجزء ده خالص

اخى اختك جاهلة فى هذه الاشياء وياريت توضح لى اكثر الله يكرمك

يعنى اضع الرقم ده فين ؟؟؟

وبعدين فى مشكلة نسيت من استعجالى فى طرح الموضوع امس اكتبها


المفروض انى باعمل الوصلة الخاصة بالدى اس ال ثم افتح الجهاز .. لما افتح الجهاز المفرووض يفتح اوتوماتيك جاهز انى ادخل اى صفحة على النت .. صح

ساعات بيكون كده ويدخل
وسعات بقى يظهر له نافذة مكتوب فيها connect, stay off line

ولما اضغط كونيكت تظهر واحدة تانية بها فوق كلمة اسم المستخدم ورقم السر وبها خيارت ايضا كونينكت وستاى اوف لاين وخيار كمان مش فاكراه .. ولما اضغط كونيكت يقعد يطلب فى رقم عجيب .... بيطلب فىايه انا مش عارفة وهو اصلا واصل بالنت ؟؟؟!!!!!! ولما اضغط استاى اوف لاين يفتح صفحة جديدة ويقولى بيدج اذ نوت افيلابول page is not avialable ولو اغلقتها باكس ما يرضى يفتح الصفحة ؟؟!!!


مش عارفة ايه ديه؟؟؟



عموما ان اردت مساعده اخرى لن اتاخر عندك ان شاء الله
هو عندك مجموعه مشاكل بسيطه ان شاء الله ستحل و لكن عليك بالصبر و الهدوء


مجموعة مشاكل .... بسيطة

مجموعة وبسيطة

طيب


أخى اى صبر كل يوم 10 ساعات امام النت استنى الصفات تحن على وتفتح .. للصبر حدود وقد نفد


يوجد مشكله لا اتمنى تكون عندك ان يكون خط تليفونك اصلا سىء الواصل من السنترال و الى كابينه منزلك
و هى مشكله بالكابل نفسه
و لا يوجد لها حل الا من السنترال و الا هو تغير السلك و نقلك الى سلك اخر فى نفس الكابل و تسمى عندهم برايمرى
ههههه و هى من السنترال نفسه و لا يوجد دخل بشركه النت لها لكن يوجد هناك مهندس فى المكتب يعمل فى السنترال
لا اعتقد انه سيحلها انا بتكلم من خبره كبيره اوى معاهم هههه
و لكن من يفعلها الروتين غبى هههه


:) :)

لا الحمد لله الوصلات زى الفل والتليفونات شغالة بفضل الله ماشاء الله ولا احسن سنترال والفاتورة نار الحمد لله





نسيت اقول حاجه مهمه

هههه
هما دايما بيضحكو على الناس دايما بموضوع الانتى فايروس و الفايروول و وجود فايروس فى الجهاز ههههه
و هما عارفين الحقيقه و بيجربوا و عارفين انهم مش حيقدروا يعملو حاجه لانه مش بايدهم هههههه


ما انا حسيت انهم بيستهبلونى الصراحة عشانى مش عندى خبرة
بس قلت لأخى يشوف له حل معهم
وانت قلت ما فى حل :(

طيب



جزاك الله خير
وبارك الله فيك
وشاكرة لك جدا مجهودك هذا جعله الله فى ميزان حسناتك
ورزقك الجنة ورفع من قدرك فى الدنيا والآخرة ووفقك لما يحب ويرضى