منتديات موقع بشارة خير - خط القلم جرحي والاشواق حبره....

السلام عليكم ورحمة الله وبركاته

خط القلم جرحي والاشواق حبره

خط القلم جرحي والاشواق حبره
.. .. .. .. .. .. . يبقى الرفيق اللي له جروحي تجود

الوقـت خيـط والصواديـف أبـره
.. .. .. .. .. ..ومن وخزها كلن وله قسم معدو د

دنيا الفنى تلوي علينا بـ بمكره
.. .. .. .. .... .. ضاقت علي وخيـط الايام معـــقود

الخاطر المكسور يا طــول جـبـره
.. .. .. .. ... هذي سنــه وسنين ما هـب له نــود

كملي وأنا ارقـب مد بحـرك وجـزره
.. .. .. .. ... .. والظاهـر اني في شواطـيـك مفـقود

لو كثرت العـميان.. لا عاد تـشره
.. .. .. .. .. .. ضاع المـقـدي وانت ما عـاد لك فود

هذا المعنى .. وان بقـى طال عمره
.. .. .. .. .. .. .. الجـذع يـروى والظـما لاحق العود

مثله مثل غــصـن يضحي بصبـره
.. .. .. .. .. .. .. يفدي ضـلاله ما شكى حيل مهدود

مليــت اصـارع في مواعيد بكره
.. .... .. .. .. .. واخـيـط فــتـق للمـعاذيـــر ممـدود

لا ميـئـسن منها ولانـي بـمـكـره
.. .. .. .. .. .. فيـني دبيـب من الامـل مالـه حـدود

سـقـف الامــل عـالي - وشـيـدة جــدره
.. .... .. .. .. وطماعتي فالمـتـــن ما هــــــيب الـذود

أما وصــال يعــتــق اللـي بأســره
.. .. .. . .. .. .. .. ولآ سجـيـن دونـه الباب مـردود

للشاعر,,
"فهد الدقيس".