عارفين المشهد اللى بنشوفه دايما في الافلام !!
-----------------------------------------------

https://encrypted-tbn3.gstatic.com/i...NA0lrCqBbfHokg

"انا شخصيا شفته ف الافلام فقط " لما حد يقرصه تعبان، تلاقي المسعف بيمص الدم .. عايز يمنع السم من الانتشار؟!

مسألتوش نفسكوا ليه مش خايف ع نفسه انه يتسمم لو بلع الدم اللي فيه السم؟! .. يعني عشان ينقذ حد ينتحر هو؟!

الموضوع بقى ان سم التعبان مش سم اصلا لو اتبلع
هو اساسا انزيم بيكسر جدران الخلايا
لما التعبان بيقرص حد ..... سم التعبان اللي هو مش سم اصلا بيدخل ع الدم ع طول ويكسر خلايا الدم وتكسير خلايا الدم ده ليه اثار مميتة

بس لما بناخد السم ده عن طريق البلع مش هيأثر علينا عشان هو عبارة عن انزيم والانزيم ده بروتين والبروتين بيتهضم ويتكسر في المعدة .....

علشان كده بتختلف درجة الخطورة من تعبان لآخر حسب قوة الانزيم ده !!

بس هو اللى بيعمل كده برجه غلطان، ليه بقا ؟!
لو كان فيه جرح في الفم السم هيقدر يتسرب للدم هيبقى كأن التعبان قرصه ..
عشان كدة اننا نمص الدم دي طريقة بدائية وميفضلش استخدامها عشان نبقى في الامان ومنعرضش نفسنا للخطر
الخطر ده هيبقى في تسرب السم للدم عن طريق جرح مثلا !
بس لو مافيش جرح ومافيش وسيلة لتسرب السم للدم ف عادي هيتهضم وميحصلش اي ضرر

و اهم حاجة انك تربط رباط بعد المكان المصاب بشوية عشان تمنع الدم الملوث انه ينتشر

----------------------------------
انت بقى اتقرصت كام مرة ولا متقرصتش !! محدش فيكوا بيروح رحلات في صحاري وكده :)))