|
تفارقنا ودمعات [القهر] تخشع على فرقاك....
السلام عليكم ورحمة الله وبركاته ***** تفارقنا ودمعات [القهر] تخشع على فرقاك رحلت ومقصدي كله.. عشان انساك نسيتك ؟ لاحشى واللي خلق راسي تناسيتك تناسيتك نعم لكن بقت في داخلي ذكراك بقى في داخلي زولك بقى في داخلي بيتك ألا ياكيف أنا بآسلى ليالي غربتي واسلاك ؟ مدام اني ليا جيت لمرآية غرفتي جيتك أشوفك في وسط عيني وأغمضها عشان امحاك واشووفك داخل جفوني إذا غمّضت [ ضمّيتك ] [أضمّك] واشتكي طيفك على طيفك بدون إدراك وانا في غربتي ليتك تحس بحالتي ليتك ورى عوج الضلوع ألقى بقايا ضحكتك والقاك وأسافر لك وانا حيّك واسافر لك وانا ميتك نقشت [أسمك] على عرق الخفوق اللي فقد يمناك واذا مرّ النفس صدري تذكرتك وحيّيتك شهور مرّت وانا قلبي يعيش بضيعته بحماك بدون أسباب لاتسأل ليا منّي تمنيتك أهذري بك واغني بك ( أنا اهواك أنا أهواك ) وأمرّك تايهٍ .. واذكرك لامني تعديتك حبيبي طالبك تكفى سألتك بالذي سواك وش اللي يمنع عيوني ليا جيتك وراعيتك ؟ تحاكمنا على الفرقى بدون اسباب يامقساك تخالفنا .. تعدينا الحدود .. ورحت خليتك .. كذا مامن سبب يشرح نهاية قصتي وياك تكبرت .. وتكبرت .. وتحديت .. وتحديتك ..! تفارقنا ودمعات [القهر] تخشع على فرقاك وبلاي اني من دموع الوداع المرّ واسيتك حبيبي والفضا كله مساحات وسما وافلاك يضيق وغيبتك قشرا .. وانا جيتك وناجيتك مدام ان الغياب اللي يداعب غربتيفتاك أمانه لاتجاهلني .. وانا للوصل ناديتك صحيح اني تجاهلتك وخليتك عشان [انساك] ولكن والذي سوى عروقي .. بس تناسيتك تناسيتك نعم لكن بقت في داخلي ذكراك بقى في داخلي [حبك] .. بقى في داخلي بيتك. ***** راقت لي |
صحيح اني تجاهلتك وخليتك عشان [انساك] ولكن والذي سوى عروقي .. بس تناسيتك تناسيتك نعم لكن بقت في داخلي ذكراك بقى في داخلي [حبك] ..بقى في داخلي بيتك. ولكن بقت في داخلي ذكراااك .. صح لسان الشاعر ,, بيت من أجمل الأبيات وأعذبها .. تسلمين أختي الفاضلة / غيوم ممطره .. ع روعة الإنتقاء للقصائد .. |
جميلة جدا
سبحان الله تنطبق على قصتي الله يعكيم العافية على النقل |
رائع جدا و اختيار انيق
شكرا لك غيوم ممطره على عذوبة الانتقاء بانتظار جديدك يا كريمه |
تفارقنا ودمعات [القهر] تخشع على فرقاك*
صباح الورد غيوم ممطره رسمتي لنا الحزن بين حروفك باحساس مرهف عمق الاحساس ظهرت بين حنايا الكلمات اشكررك من كل قلبي على اختيارك الرائع http://im31.gulfup.com/lfVAt.gif |
| الساعة الآن 5:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab