الفزعة صديقتي أختها تعرضت لاعتداء
 

هدي مشكله وحده من صديقاتي قالتها لي بس ماعرفت أساعدها وأبيكم تساعدوني عشأن أساعدها
صديقتي هذي لها أخت عمرها عشر سنوات.مريضة تعاني من شهرين في البداية كانت عندها حساسية والتهابات نسائيه عظتها الدكتورة دواء للالتهابات ؤ استمرت تعاني شهرين وقبل اسبوعين صار عندها مشكله في رجولها وصارت ماتقدر تمشي وآخر مره راحت مستوصف خاص شافها الدكتور وطلب من الممرضة تفحصها سريريا.
قالت الممرضة للدكتور بالانجليزي إن البنت تعرضت لاعتداء جنسي طبعا صديقتي هذي تعرف انجليزي وكانت معها أمها تقول أنصدمت وماعرفت أسوي شيء وكتب الدكتور تقريري وعطاهم تحويل لمستشفى حكومي وكتب عن حادثة الاعتداء بس بالتعريض يعني مو بشكل صريح ولما راحوا المستشفى الحكومي مافهموا الأطباء المكتوب
تقول صديقتي خلونا نروح من دكتور لدكتور وفي الآخر ماعرفؤا شيء تقول صديقتي خديت التقريري وخبيتها لأن أمها مريضة وأبوها كبير في السن وأخوها مسجون والمصائب تجيهم من كل صوب تقول خفت أمي وابوي يدرون ويضير فيهم شيء خصوصا انهم جاهلين ومايفهمون شيء وان دروا ماراح يسؤون شيء وممكن يكذبونها
وتقول راح تكبر السالفه وبندخل في سين وجيم خصوصا أنها مو سعوديه واختها تقسم لي بالله أنها ماتطلع من البيت وأبوها يؤديها ويجيبها من المدرسة
تقول الحين في حيرة وقلق وماهي عارفة أيش تسوي
أبي فزعتكم وكيف أقدر أساعدها وأساعد أختها

لا حول ولا قوة الا بالله
ما سالت اختها الي عمرها عشر سنوات شو صار
وكيف المستشفى الحكومي ماعرفوا ؟
وما عطوها علاج ؟!

لازم تعرف من المتسبب عشان يلقى جزاءه ويردع

اول شي لازم تعرف من أختها من عمل فيها كدا..؟

بعدها لازم تستشير محامي او تلجأ لحقوق الانسان أفضل عشان يعرفوا يتصرفوا صح ويساعدوها..

انتي قلتي ظروفهم سيئه اكيد احد عارف هالشي ومستغل الموضوع.

والله وجعني قلبي عليها طفله حسبي الله ونعم الوكيل في اللي مايخاف ربه بأعراض المسلمين.

طمنينا عنها رجاء وخليها تعرف مين وتلجأ بعد الله لحقوق الانسان بيساعدوها.

حسبي الله ونعم الوكيل.

اللي محيرني إن البنت ماتطلع من البيت أبد إلا مع أهلها حتى المدرسة يؤديها أبوها ويجيبها
وفي احتمال كبير تكون البنت طاحت أو أي سبب آخر أذى لهذا الشيء وطبعا الأطباء أول احتمال يتوقعونه اعتداء.
المشكله إذا بلغت أهلها أو تدخل في الموضوع الشرطه أو محامي بتكبر السالفه وبتصير فضيحه و خصوصا أنه البنت ماتطلع إلا مع أهلها وتحت رقابتهم يعني احتمال أعتداء شخص عليه شبه معدوم
حتى لو بلغت أهلها ماراح يقدروا ييسوون شيء
والله احترت ودي أساعدها وماني عارفه كيف
ذلوني الله يجزاكم خير

طيب سألت أختها؟
ومو ضروري الاعتداء خارج البيت ممكن من البيت هالشي وارد؟

وحقوق الانسان رح تحل الموضوع بسرية تامه.

الله يحميها يارب.

لا حول ولا قوة إلابالله
طيب ليه ماتسألوا البنت وش صار معها

تجلس مع البنت وتسالها من الاولاد الي تشوفهم يمكن طاحت على الارض وافضت بكاراتها أنا ارعف وحده قصتها و هي عمرها 3 سنوات طاحت على الحجر وانفضت بكاراتها يمكن البنت طاحت على شيء لازم تتاكد ضروري

ﻻ حول وﻻ قوة الا بالله .. م ادري وش أقول كان الله بعونهم

لكن يبشرون بدعاء وغيره ﻻ املك .

كلمت صديقتي و سين جيم إلمهم فالت لي إن أختها طاحت في الحمام لما كان عمرها خمس سنوات ونزل منها دم وما ودوها المستشفى. وتقول أمي تدري عن موضوع الطيحه صراحه استغربت كيف تطيح البنت وما يودونها ا المستشفى الله يصلح حالهم
ودي أساعدها بس ما أملك إلا إن ادعي ربي يكون في عونهم ويستر على أختها في الدنيا والآخره وعلى جميع المسلمين