منتديات موقع بشارة خير - الشاعر مدغم ابو شيبة

والله ما يكبر في عيون الرياجيل / الشاعر مدغم أبو شيبه

والله ما يكبـر فـي عيـون الرياجيـل
الا مـواقـيــف الــرجــال العـظـيـمـه
ولا الـردي دايــم ردي مـثـل ماقـيـل
راس ادمـي والـلـي تشيـلـه بهيـمـه
عنّز على الله ثم على صفوت الجيل
الـطـيـب الـطـيـب يـامــال الغنـيـمـه
لا تلتفـت علـى اهـل الـقـال والقـيـل
الـلـي يشيـلـون الـرجـولـه ظلـيـمـه
ترى الجمل والعبد والـداب والسيـل
لازم ثقـتـك تـكـون فـيـهـم عـديـمـه
الـحــق فـــي مـانــزل الله لجـبـريـل
على الرسول اللي رضع من حليمـه
واللي مـع الساحـر حمامـه ومنديـل
اول خـيـوط الفـاحـشـه والجـريـمـه
افلـح تـرى تالـي النهـار اول اللـيـل
تـمـاكـن الـفـرصـه وذب الـخـريـمـه
ورجل ٍ يشح بجاهه ووجهـه بخيـل
ويمـنـن تـبـادر بالـمـكـارم كـريـمـه
غنيـمـتٍ ترقابـهـا الـجـدي وسهـيـل
وغنيمـتـن منـهـا السـلامـه غنيـمـه
وخسارتـن يجـي وراهــا محاصـيـل
الــذ مــن فــوزن بـطـعـم الهـزيـمـه
النفـس تقبـل مـثـل ماتقـبـل الخـيـل
وتـصـد لـــو ان الـنـعـم مستـديـمـه
شيـن تخافـه مــن عقـوبـه وتنكـيـل
وشيـن تعافـه مـن كـرامـه وشيـمـه
لو كان تضحـك مـن كـلام المهابيـل
لا بــد تبـكـي مــن دمــوع اليتيـمـه
والوقت نفـس الوقـت مافيـه تبديـل
يمضـي وينسـخ لـك جديـده قديـمـه
تكـثـر بركـتـه بالـدعـاء والتهـالـيـل
وتـقـل مــن قــل النـوايـا السلـيـمـه
ودك تـرجـالـك ســــراب وتـمـاثـيـل
طرقي وقتك قيض وأرضـك وخيمـه
ولا تــدور حـاجـتـك هـنــد دعـبـيـل
خبلـن يــزم نفيسـتـه فــي خشيـمـه
لـون مـا الله فضـل النـاس تفضـيـل
لـفـضـل الأشـجــار مـعـنـى وقـيـمـه
الناس منهـا الفـود ماهـوب بالحيـل
والأشجار منها فود حتـى الهشيمـه

منقول ,,,