منتديات موقع بشارة خير - القلب عزيته و شديت قيده

الكون موحش والمسا فاقد إحساس
والهم ينسج من خيالي قصيده
اكتب همومي بالقلم فوق قرطاس
وارسم معاناة الجروح الجديده
القلب وش خلاه مخنوق الأنفاس
بين الضلوع العوج ينزف وريده
إلا الفراق وغربة الناس للناس
وبعض السوالف والعلوم المكيده
يا قلب لا تحزن ولا يغلبك ياس
ارتاح واستبشر بلحظه سعيده
أقولها يا قلب لا باس لا باس
لا تقهرك سود الليال العنيده
اللي ذكر طيبي على العين والراس
واللي تجاهلني تجاهلت سيده
ما همني من باعني دون مقياس
عزيت نفسي و الأماني بعيده
أنا كذا طبعي مع كل الأجناس
القلب عزيته و شديت قيده
حوله من الأضلاع حطيت حراس
تحميه من غدر الليالي الشديده
اللي يذوق الغدر صافي من الكاس
لابد يتعلّم وعلمه يفيده
.. بقلم الشاعره ضي الفكر