|
بيني وبين أحمد الناصر الشايع سلمه الله
الحمد لله والصلاة والسلام على رسول الله، وبعد: من منا لا يعرف الشاعر الكبير أحمد الناصر الشايع، الله يبارك بعمره على عمل صالح، أمير شعر المحاورة؟؟ لي به علاقة ابن بأبيه وتلميذ بأستاذه، ولم أعشق الشعر الشعبي إلا بعد سماع محاوراته. اتصلت عليه مرة للسلام عليه والاطمئنان وكنت قريبا من مزرعته، فأخبرني بأنه ليس فيها وأنه بالرياض، فودعته ودعوت له، ثم أرسلت له بيت جاءني من محب؛ وهو الأول، وأتبعته بالباقي مني، فرد علي ومن ثم صارت محاورة بالجوال، وإليكم الأبيات: أنت البخور اللي على الجو طاغي ============ غيرك حطب دخانهم يوجع الراس جانا العصر BMمن عند ناغي =========== يا أحمد ترا خوتك تاج من ألماس فرد علي: مالي عن الداعي مصاغ ومراغي =========== يا مرحبا يا طيب الرآس والساس محتار ما ادري وين أقضي فراغي ========== خطرن تجيب لي الهواجيس وسواس قلت: كل ترا مثلك ربط فالبراغي ============أفلح بعد ما جاه صك بالأفلاس قد قلت لك فكرة تعدل الدماغ ========== والنملة يقولون قد علمت ناس قال: فزيت طولي كن بالعظم شاغي ========من هاتفنْ ما هوب حبرٍ بقرطاس الكلمة اللي صايبة تستساغي ========= فرحت فرحة ما لها حد وقياس قلت: أرسلت لك رجل عليه الشماغ ========= ما ادري عرفته أو غطا عينك نعاس حلو جميلٍ كن فوقه مصاغي ======= باقي تعصرونه ونشرب من الكاس قال: إن صار صاع الكيل شبه متصاغي =======من رحمة الله ما حدن يقطع اليأس أفرح ليا جا من رفيقي بلاغي ========== آخذ معه كرة وفرة ومرواس وشكرا لكم . |
نتمنى لشخصكم الكريم والأستاذ الشاعر الكبير دوام المحبة والوفاق.
|
صح لسانك ولسان الشايع ولاهنتوا .............
|
صح لسانك وصح لسان ابو محمد
الله يعطيكم الصحه والعافيه |
|
صح لسانك يا شيخنا فهد وصح السان الشاعر الناصر وعسى اعماركم تطول
|
[ والنملة يقولون قد علمت ناس ] صح لسانك وصح لسان الشاعر الكبير أحمد الناصر حفظه الله وبارك الله فيك شيخنا الفاضل . |
رائعة بحق هذه المحاورة
صح لسانك ولسان الشايع دمتماكماتحبا ان تدومااااااااااااااااااااااااااااا |
أنت البخور اللي على الجو طاغي ============ غيرك حطب دخانهم يوجع الراس
ما شاء الله ما ترابع إلا طيب ((((((والنملة يقولون قد علمت ناس)))))))))))) نعم لله في خلقه شؤؤن وكل ميسر لما خلق له يا شيخنا فزيت طولي كن بالعظم شاغي ========من هاتفنْ ما هوب حبرٍ بقرطاس بمشاعر صادقة من شاعرنا أحمد الناصر الشايع لدكتورنا وشاعرنا فهد العصيمي الكلمة اللي صايبة تستساغي ========= فرحت فرحة ما لها حد وقياس "الكلمة الطيبة كالشجرة الطيبة أصلها ثابت وفرعها في السماء" أرسلت لك رجل عليه الشماغ ========= ما ادري عرفته أو غطا عينك نعاس يا ترى دكتورنا هل الشخص هو مسج الجوال أم أرسلته شخص بعينه لموضوع ما بينكم ؟؟؟ أبيات رائعة جدا جدا وقوية المبنى والمعنى ..جزاك الله خير شيخنا وصديقك الشايع خير الجزاء . |
صح لسانك ولسان الشايع ...
|
| الساعة الآن 12:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab