منتديات موقع بشارة خير

الارض قفرى والسحب كذابه
.................ما للمطر فوق الثرى ماريه
اما عجاج(ن) ماعرفنا اسبابه
.................والا ضربتنا عاصفه شمسيه
مات الضمير وماتت الطلابه
.................وشالت كفنهم ثورة الحريه
والشرق الاوسط مغلقات ابوابه
.................محور نزاع الكوره الارضيه
يامحرك المدفع ورى الدبابه
.................ايران تملك قنبله ذريه
وحنا على راس الجبل وهضابه
.................والغصن مال وطارت القمريه
درعا تنادي ياعرب منصابه
.................ماكن فيكم رحمه وماويه
قامت تناهشني اسود الغابه
.................بشار شد الحبل في رجليه
انا تحت رجل الاسد وانيابه
.................الموت ياكلني ويشرب فيه
تكفى يابو متعب عليك حسابه
.................آمر عليهم غارة(ن)جويه
خل السماء من اللهب شبابه
.................وتهتز منها يافه وتركيه
حدد مكانه وارجفه واذنابه
.................يطير منها فالسماء كرسيه
تضرب وتنسف راسه ومحرابه
.................واتبع بعدها غارة(ن)بريه
اما تحت ضوء القمر يسرابه
.................والا تحت جنح الدجى سريه
الحر تدمي صيدته مخلابه
.................اصدر قرارك وارسله برقيه

م / ن