|
من دونهن حنا وفي قلوبنا هن
بسم الله الرحمن الرحيم هذي تبي تحكم وهذي تبي صن آل زلفه - عضو مجلس الشورى السعودي الشاعر / نايف بن عرويل يرد على آل زلفه عضو مجلس الشورى السعودي (يروح فيها يازلفه طوايف ) في قصيده رائعه ، وذلك رداً على مقابلة آل زلفه في احد القنوات الفضائيه التي دعى بها إلى تحرير المرأه . لو هي بيديكم كان قلتوا يغنـن لكن صدمتوا بالجبال النوايـف من دونهن حنا وفي قلوبنا هن الطاهرات الساجدات العفايف وهذه القصيـــــــــــدة كامــــــــــــلة أتمنى أن تلاقي اعجابكم: تخيلـو لـو الحريـم بيسـوقـن ونلقى لهن في كل شارع طرايـف تلقى العجايز فالشـوارع يـدورن وسيارة الاسعاف ترقـب حتايـف واليـا تأخرنـا دقايـق يصيحـن ثم اركبن فـوق المواتـر ولايـف قامت تكبس لـك بالانـوار ياهـن بين اخوياك وصرت محرج وخايف وتخيلـوا لـو ذات يـوم ٍ يمـرن عليك دوريـات والجمـس طايـف يوم اطرحوه يصير موقفك محـزن تلقى العجوز مكلبشـه ياحسايـف وتلقى البني في كل جلسـه يتكـن طقت بلوت ومعهن الكيـف كايـف هذي تبي تحكم وهذي تبـي صـن والبيت ضايع دون طبخ وغرايـف ياللي ذنوبك فـوق راسـك يحنـن اللي في قلبـك طلعتـه الشفايـف انظارنا من فوق ذكـرك يشوحـن ونشوف شيء ٍ ماتشوفه ياهايـف حق المره ياشيخ تلعب علـى مـن خبلان حنا والا ويش انت شايـف وين انت عن صوت الارامل ينوحن وين انت عن حق المره فالوظايف وين انت عن جملة بنات ٍ يضيعـن وين انت ياراع العلـوم النصايـف لو هي بيديكم كـان قلتـوا يغنـن لكن صدمتـوا فالجبـال النوايـف من دونهن حنا وفي قلوبنـا هـن الطاهـرات الساجـدات العفايـف والمسأله لا صار لحقـت شرفهـن يـروح فيهـا يازلفـى طـوايـف هذا كلامي واسمعه زيـن واذعـن قلته ولانـي مـن تواليـه خايـف قلته واباقف وارفع الصوت واعلن ارادت الامه علـى لسـان نايـف ماهـو تخلـف لارفضنـا يسوقـن راس التخلف لا تركنـا العطايـف |
من دونهن حنا وفي قلوبنـا هـن
الطاهـرات الساجـدات العفايـف قصيده قويه ....الله يجزاك خير |
السلام عليكم
شكرا لك اخي الكريم / الطير قصيد رائعه حسبنا الله ونعم الوكيل على دعاة التحرر والليبراليه وبيض الله وجيه اولياء امورنا وعلمائنا الله يعزهم وينصرهم ويوفقهم الطير جزاك الله خير اخوي |
لو هي بيديكم كـان قلتـوا يغنـن
لكن صدمتـوا فالجبـال النوايـف ××××××××××× ماهـو تخلـف لارفضنـا يسوقـن راس التخلف لا تركنـا العطايـف ×××××××××××× لافض فو قائلها وناقلها وجزاك الله كل خير |
الحمد لله,,, بصراحة لمن شفت الردود كلها من عضـــــــوات قلت الله يستــــــــر,, لكن الحمد للــــــه أن لا قت اعجابهن جميعـــــــــــا |
اقتباس:
ويجزاك خير يا أم نايف |
اقتباس:
وعليكم السلام والرحمة,, الشكر موصولا لك أختي الكريمة ,,,وجزاك الله خيرا بمثله,, |
اقتباس:
لك مني جزيــــــــل الشكر,, |
ماشاء الله قصيده روعه وسمعتها اخوي تسلم عليها...
|
مشكوووووور
|
| الساعة الآن 3:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab