ردو علي بسرعه مشكلتي مع زوجي
 

السلام عليكم
انا اعاني مع زوجي لانه دايما يشك بتصرفاتي انها ضده
امس علاقتنا طيبه جبت الشاهي لقيته يتابع برنامج يحبه صبية له بياله وسكت لانه مايحب احد يكلمه اذا كان يتابع هالبرنامج
شربت بيالتي قلت تقهوى بروح افرش اسناني
مادريت الا ماد لسانه يسمعونه كل اللي في العماره انتي تهينيني ماتكلميني حاقرتني ما كاني موجود قلت وش غلطت فيه قال انا بروح الحين لابوك واقوله خليه يجي ياخذك
وراح لاهلي قال ابوي جبها بكره علشان نتفاهم
دق علي ابوي وقلتله عن اللي صار قال بس كذا انتي سايريه يمكن انه يعاني من ضغوط نفسيه
ولما جاء زوجي قال لعيالي قولو لمكم تجهز اغراضكم بكره بوديكم تعيشون عندهم
اكتب والدمع خانقتني احس بسبب تافهه فضحني عند اهلي ويهددني بالطلاق
وش الحل معه لاني عارفه بيوديني عند اهلي ولا هو جاي ياخذنا

وعليك السلام ورحمة الله وبركاته
هلا وغلا بك غاليتي ضيم القريب والله يبعد عنك الضيم والضيقه ويوسع عليك
الله يهديه يارب ممكن معصب وضغوط خارجيه وخلته يحط الحره فيك
انتي ماعليك الاتمتصي غضبه حاولي يالغلا تعشي الاولاد بدري اليوم وتنظف البيت وتبخريه بالعود وتظبطين اكله يحبها وظبطي نفسك وحتى انا ماعطاك وجه استمري وتحملي عشان عيالك وهي ترى يوم ويعدي واجلسي تفاهمي معاه واعتذري منه وانك ماقصدتي ومن الكلام الزين وادعي ربك في صلاة المغرب والعشاء ان الله يهديه واكثر من الاستغفار طول اليوم وبأن الله ماتشوفين الااللي يسر قلبك يالغلا
اسال الله العظيم أن يهديه ويصلحه ويبعد عنكم الهم والغم وان ييسر اموركم ويبعد عنكم شياطين الانس والجن
ويبعد عن قلبك الهم وان يفرحه ياااارب
اللهم آمين اللهم صلى على محمد وعلى صحبه اجمعين

أستغفر الله ترى كثير من في شاكلته
فعلا مثل ماقال ابوك.. ياضغوط نفسيه.. يا شايفله شوفه
او انو محتاج يجلس لوحده فتره يمكن يفتقدكم
جربي القراءه والرقيه على نفسك وأولادك وبيتك من دون مايدري .. وأكثري من قرآة البقره

لا حول ولا قوة الا بالله

الله يصلح حالكم و يا رب

السلام عليكم ورحمة الله وبركاته

هو يا ضغوط نفسية ياا انه يدور اقل سبب عشان يبعدك .. خليكي قوية ومشي الامور على كيفك

السلام عليكم ورحمة الله وبركاته

اجتي الله يصلح حالكم اكثري من الاستغفار والصلاه علي النبي

وعند غضبه قولي هذا الدعاء

(اللهم الجم فاه بألف من لااله الاالله وأسكن غضبه بلاحول ولا قوة الا بالله)