بسم الله الرحمن الرحيم

السلام عليكم ورحمة الله وبركاته

احبتي في الله . . كثير مانتعرض في حياتنا لمواقف كثيرة وعديدة بل ربما لاتكاد ان تحصى

فمنهى الطريف ومنها المحرج ومنها الخطير وربما يشملها جميعا _وهذا اللي صار لي_ فلكي يكون الموضوع هادف وذا قيمة.فلنذكر العبرة من هذا الموقف كي نستفيد

طيب؟؟

جاهزين؟

مشينا؟؟

يالله مع موقفي اللي مستحيل راح انساه ..

في أحد ايام الإجازةالصيفية زماان قبل خمس سنين قرر الأهل ان يذهبوا إلى البحر وخصيصا الى الرايس _اكيد اهل الغربية يعرفونه ..
هالمكان يتميز بخلوه من السكان..يقع على ساحل البحر الأحمر ..المهم جهزنا العده وكل شيء وانطلقنا الى الرايس
ويوم اقبلنا ..وعلى طووول هجووم إلى البحر ماصدقنا ..كنت وقتها بالمرحلة المتوسطة ..واختي الكبيرة معي وتأملنا بمنظر البحر إلا وهو جميل جدا عدا شيء مصنوع من البلاستيك يضعونه حرس الحدود اعتقد لتحديد البحر العميق عن غيره..
بس منظرة مهو عاجبني فلن يهدأ بالي <<تفكر تشيله غصب وياليتني مافكرت..
.وقلت لأختي وش رايك نطرحه _نطرحه = نخفيه إما نغرقه او نجيبه معنا للشاطيء اهم شيء ماشوف رقعه وجه>>رحبت بالفكرة ..قالت يالله _اكيد بتوافق ولا كان تركتها وقلت لاخوي._

واتجهنا إلى الساحل طبعا بكل حذر... وعلينا الله يكرمكم حذانا ..وش درانا يمكن يهجم علينا سمك القرش ولا عقارب البحر على قولتهم..المهم مشينا ومشينا واقول لاختي تعالي منا اللي ترى اللي عندك كلها طحالب واعشاب وهي تقول: يوووه لا منا احسن شوفيه صافيمافيه ولا طحلبه....ويوم قربنا من ذاك الحاجز .._لتنفيذ خطتنا بازالته_ وماكان بيننا وبينه إلا مسافه

وطالعنا الى الأسفل
إلا وذاك الحيوان_يستقبلنا_ يؤؤؤؤؤؤ شكله يخوف مفلطح وله ذيل طويييل لونه برتقالي ومرقط بأزرق كما هو مرسوم ادناه _مثل اللي بالبرنامج العلمي اللي عن البحر لاوالله انه سام بعد.. وله عيون ولا شلون طالع فينا
ههههه وحنا نتجمد ولاحركه تقل منشلات ..
وعلى طووول يمااااااااه_بدل مانقول بسم الله كأن امي الله يخليها بتنقذنا طبعا كنا صغار _ وحنا نشرد ..نركض ونركض بكل قوتنا ونطأ باقدامنا حافيات كل ماهب ودب من طحالب وغيره..ونتذكر الموت وقلت خلينا نتشهد ونقرأ المعوذات _نتخيله ورانا طاير وفاتح فمه _وياويلنا الحين يعضنا ونموووت ونركض الييييييين قربنا من اهلنا وحنا نتنفس تنفس الصعداء ..واللي يقهر بدل اخواني مايفزعون لنا قاعدين يشجعون يحسبونا نتسابق ..مادروا عنا ..والحمد لله ماسوى لنا شيء_شكله انحاش يوم شافنا _
المهم عقبها مانعودها خلاااص توبة حتى البحر بس على جوانبه _تعقدنا_بس الحمد لله كبرنا وعقلنا..

الاستفادة من الموقف

1-عدم الإعتداء على ممتلكات الآخرين كحرس الحدود وغيرهم حتى لو على حساب جمال المنظر.
2-عدم ترويع الآمنين ولايقتصر ذلك على البشر فحسب بل حتى الحيونات مثل صاحبنا راعي البحر الموضحه صورته التقريبيه ادناه فاحذروه .
وسلامتكم

يالله اللي عنده موقف حياه +الإستفاده
وهذا ما أحببت ان اشارك به في هذا القسم بإنتظار مواقفكم +الإستفادة
ايمكن اغيب لكن ان شاءالله بوعدكم ان دخلت النت اول ماادخل منتدى الشيخ فهد الله يحفظه والجميع
فـــ
بما انني راح اغيب اتمنى من اخي في الله الفنان التشكيلي لكونه المشرف على هذا القسم ان يتابع مواقفكم مشكورا
ودمتم سالمين

إختكم في الله
**فتاة الإسلام**

..واللي يقهر بدل اخواني مايفزعون لنا قاعدين يشجعون يحسبونا نتسابق ..مادروا عنا

تحياتي..
****وسن****

هههههههههههههههههههه
هههههههههههههههه
ههههههههههه
هههههه

موقفج موتني من الضحك

بس ليش القافه ههههههه

ما عليه كنتي صغيره

:)

مرة من المرارير:)
كنت اركض بسرعه للمحاضره ومادريت نفسي الا داخله قاعه غير قاعتي ومن شطارتي جلست بالقاعه ماطلعت:)
وتفاجاة بطالبات غير زميلاتي ولما جيت بطلع استاذتهم عطتني كم كلمه ...
وحسيت بالفشله والا شوي ببكي..
وانتهى الموقف المحرج طبعا بعد ماضحكوا البنات علي:(
والمواقف كثيره كل شوي بجيب لكم موقف :)

المشاركة الأصلية كتبت بواسطة هنااادي امممم فتاة مواقفي لاتعدى ولا تحصى بس عندي موقف طريف صار لي مانساه... مرة من المرارير:) كنت اركض بسرعه للمحاضره ومادريت نفسي الا داخله قاعه غير قاعتي ومن شطارتي جلست بالقاعه ماطلعت:) وتفاجاة بطالبات غير زميلاتي ولما جيت بطلع استاذتهم عطتني كم كلمه ... وحسيت بالفشله والا شوي ببكي.. وانتهى الموقف المحرج طبعا بعد ماضحكوا البنات علي:( والمواقف كثيره كل شوي بجيب لكم موقف :)