ساعدوني شيبت بسرعه
 

السلام عليكم حبيباتي
مثل ماشفتو شيبت بسرعه سااااااعدون فجاه ضهر الشيب بشعري وبسرعه انتشر وش الحل صرت اكبر من امي :confused:!!!!
لاتقولون اصبغي لان شعري ضعيف وما حب الصبغه تكفون عطون حل

ماتحبي الصبغه مالك الا حناء
واضن يامحلا الشيب عادي وقار
مافي احد يستاهل تصبغيله

هلابك ندوووو ياحيا الله حبيبتي ياقلبي الشيب وقار بس مولنا!!
للرجال ايه حنا لا تخيلي اتحنا بسير تحفه برتقاليه اكيد فيه شي يساعد بس وشو؟؟؟
اما محد يستاهل !!
فانا استاهل اني اشوف نفسي ههههه
علشان ما اتخرع

لالا ياقلبي وقار حتى للمرأه
لكن الجمال مطلوب للي يستاهل فقط
اما الحناء اعرف كثير محنين ولسى بعز شبابهم والله يجنن اللون جاي على بني و (كستنائي) يعني كأنك صابغه
وحتى افود للشعر
اما ان كان شعرك كله ابيض ففعلا بيطلع برتقالي
مالك الا تستخدمي الحناء الاسود وله مميزات بعد لفرد الشعر وتلاقيه عند العطار انا شفته على وحده من قريباتي شعرها خشن وتفاجأت بشكله بعد مااستخدمته

اووووووه نفس الحاله بس انا من الصبغ وسحب اللون ,,, وهسع راح اوقف الصبغ واهتم بشعري ,,, بس الشيب يخرع

إختي الكريمه (بريدويه)سمعت وقرأت عن عشبة(الآس)وفوائدها العظيمه من حيث سواد الشعر وتأخير ظهور الشيب,وهذا كله من الدكتور(جابر القحطاني)خبير الأعشاب,,تلاقيها عند العطار,,ولكي ان تبحثي عنها في قوقل.وعن كيفية استخدامها.

((أدعيلي وأهلي بالفرج والنصر))

شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته
اسمعي ياقلبي بقول لك وصفة مجربةوالله على ما اقول شهيد

جيبي قدر وحطي فيه قبضة يد ورق شاهي ومثلها ميرمية والاس وقرنفل ,,فيه ناس تسميه عويدي وناس مسمار اضيفي عليها موية تقريبا كاستين ونص
وخليها تغلي لين يصير لون المويه غامق وتنقص كميتها
بعدين صفيها وخليها تصير دافيه انتبهي لا تبرد كثير
وبعدين حطي كمية من الحناء حسب طول شعرك واضيفي عليها ملعقة نسكافة بودرة وبودرة الكاكاو
وحطي المويه بالتدريج ,,لا تخلينه سايل مدري تعرفين كيف عجينة امهاتنا وجداتنا للحنا حق ايدينهم زمان يعني تكون العجينه تقدرين تمسكينها بيدك ,,خليه ساعة او اكثر وكل ما زادت المدة كان احسن
بعدين البسي القفازات ابدي حني شعرك خصلة خصلة ,,وبعدين البسي قبعة بلاستيكية او لفي شعرك بقصدير ,,واتركيه للصباح
بعدين لا جيتي تغسليه بتلقينه زي ماهو ماجف ماعليه لا تخافين غسلي شعرك بس بالمويه لين ينظف وحطي بلسم في الشطفه الاخيرة
ولفيه بمنشفة وتركيه يجف واليوم الثاني غسليه عادري بالشامبو.
وراح تذكريني بالخير
ويوم بعد يوم سوي نفس الخلطة بس بدون حنا واغسلي بها شعرك.ومع الاستمرار راح يرجع الشعر اسود خاصة لو كان الشيب مبكر,,
دعواتك لي كل ماتذكرتيني بالخير وتسهيل اموري
أختك في الله//كلي ثقة بربي

شـكــ وبارك الله فيك ـــرا لك ... لك مني أجمل تحية .

كثري شرب عصير الجزر وكل يوم اشربي كوب شاهي اخضر يوقف التأكسد وياخر الشيب

قبل لايتعدم شعرك كله

وفي خلطات بالحناء تعجينيها بموية المرامية مثلا تخلي شعرك اسود

وابعدي عن الحنا السوداء تراها خطيييييييييييييره وبعد فتره تسبب صلع

تقبلي مروري