|
ياصااااااااحبي ليه افترقنااا ؟؟!!!
السلام عليكم ورحمه الله وبركاته اسأل الأعمي .. ان كان في نومه يشوف ليه يصحى ؟! واسأل اللي ما درت عنه الهموم اللي درى ان العمر محدود وان الفرح مهما اختفي .. موجود اسأله ليه ينوم ؟ وان جاوبوك اسألني ليه حنـّا افترقنا يا صاحبي مابه سبب لفراقنا غير اننا جينا بزمن ماهو زمنا ياصاحبي مابه سبب لفراقنا غير اننا في حبنا عشنا الصدق وفي وقتنا وشهو الصدق في وقتنا لجل اللقاء تكذب ولجل تاصل ماتبي تكذب ياصاحبي خذها من جرحي نصيحه كانك تبي تاصل ؟ اكذب .. اكذب .. اكذب الصدق في وقتنا اصبح فضيحه في وقتنا دايم تهيم في شي ماتعرف مداه دايم تهيم فلي بعد عن سكتك واللي زهد في محبتك واللي فـ يدك ومتحمل جروحك معك ما يهمك تنساه ولو تقتله ما يؤلمك وبقدامك تاطاء على دماه يا صاحبي وقتنا في اوله ضيّعنا أولى القبلتين وفي آخرة الله اعلم وش بيبقي في وقتنا صار الغدر شي ٍ عظيم والوفا ماظنتي ان كان بتدور بتلقى يا صاحبي في وقتنا أطول مسافة ممكنه تمشيها بين النقطتين الخط المستقيم يا صاحبي في وقتنا وقت الألم من يسمعك مهما حكيت من ينصفك مهما شكيت منهو اللي ما يضحك إذا ذلتك دنياك وبكيت يا صاحبي في وقتنا ما للمشاعر ناس يا صاحبي في وقتنا لبعض القلوب إحساس يا صاحبي في وقتنا وقت الكلام وقل الفعل .. لامات احد وانتقل لعلى رفيق من طيبنا نحزن عليه نصلي عليه ناصل معه للمقبرة وفي المقبرة غير الدعاء وقولت الله يرحمه مابه كلام .. وندفنه .. ولا دفناه نبكي بدون دموع أو بدموع المهم بعد ما نبكي نتركه ونروح وتلقانا نقول مسكين يا فلان مسكين من دنيتك وش اللي خذيت ؟ وبعد باب المقبرة بشبرين واقل من الدقيقة لامن دخل فينا الزحام من طيبنا نضحك ونسمع أغنية لجل نتسلى في الطريق بين المقبرة والبيت يا ربي سبحانك ياللي تجير من العذاب قلوبنا وش صابها ؟ في وقت غدا بين الحياة والموت وبين البكاء والضحك شبرين ودقيقه وباب ويدننا اللي قد حثت في وجه ميتنا التراب هي نفسها اللى بعد شبرين واقل من الدقيقة اختارت شريط وحطته لجل تقتل طول المسافة بين المقبرة والبيت يا صاحبي في وقتنا احسن كثير من بعضنا في المقبره على الاقل ميت وندري المشكلة متنا وإلى الحين ماندري يا صاحبي في وقتنا ضاع احترام الموت في وقتنا حكينا ما أكثره وللأسف كل الحكي من غير صوت وان كان به فم ٍ صدق واسمحوا يحكي بصوت .. ما نسمعه ياصاحبي قدامنا كان اختيارين يا نجاري وقتنا ونكذب ونخدع نفسنا يا نفترق .. لان الفراق في وقتنا هو الصدق .. افترقنا يا صاحبي كانك تشك في أسباب الفراق دور لك اعمي وإذا صحى اسأله ان كان في نومه يشوف ليه صحي وليه افترقنا ؟؟؟؟؟ من كلمات الشاعر عبد الرحمن بن مساعد |
الله الله قيود جبتي كلمات رائعه من الشاعر الرائع عبد الرحمن بن مساعد من جد احب شعره الله يعطيك العافيه يارب تسلمي يالغاليه ...
|
يقول المثل العربي :
"الكذب مهواة والصدق منجاة" وأصعب الأوقات للإنسان هو لحظة الفراق والوداع .. مهما كان في رأيي الصدق هو سفينة العبور وهو الخط المستقيم... أبيات في قمة الروعة إبداع في إبداع .. هذا هو شعر التفعيلة او الشعر الحر .. شكرا لك أختي قيود واختيار موفق ياليت لو كتبتيه في قسم الشعر |
الله ... الله
كلمات جميله تطرب بالحسن والجمال ... احسنتِ ... وابدعت ِ ... بنقلك الجميل هذا اختي الكريمه / قيود جميل ماكتبت كلمات مؤثره تعبر عن قلب خافق بالمشاعر والاحاسيس ... جزاك الله خير ... |
اقتباس:
هلابك هنووووووووو فعلا عبدالرحمن بن مساعد جدآ رائع ربي يسلمك من كل شر |
اقتباس:
هلا11111111111111بك شريف الله يبعد عنا لحظات الفراق والوداع فعلا هي من اشد اللحظات الصعبه اللي تمر على الانسان ... سلمت اخي لمرورك وردك ... :rolleyes: واما المثل هذا اسمح لي بسرقه وبحطه بلعبتنا في التواصل :rolleyes: |
اقتباس:
هلا1111111111111 بك اخي ابو عمران تسلم اخوي ابوعمران لردك واهم شي انها عجبكم نقلي جزاك الله خير |
ياه ياقيود لديك اختيار حساس
عشت اجواء الكلمات انها معبره جدا شكرا لك عزيزتى قيود الحره |
ياصاحبي قدامنا كان اختيارين
يا نجاري وقتنا ونكذب ونخدع نفسنا يا نفترق .. لان الفراق في وقتنا هو الصدق .. افترقنا يا صاحبي كانك تشك في أسباب الفراق دور لك اعمي وإذا صحى اسأله ان كان في نومه يشوف ليه صحي وليه افترقنا ؟؟؟؟؟ يااااالله .. جدا رائعة .. والله الجمتني لم استطع أن افكر حتى ماذا سارد .. أنا من عشاق شعر الشاعر الأمير المتواضع " هكذا اسميته " بارك الله فيك قيود اخترتي فابدعتي مشكورة |
اقتباس:
تسلمين اختي قيود الحره حلووووووووه عجبتني :rolleyes: |
| الساعة الآن 12:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab