منتديات موقع بشارة خير

لقيت لك بالناس ثلاثة اجناس

والرابع امحق جعل ربي يزيله
.
الأول الشيال لحمول الارماس
يشيل حمله مع احمول(ن) ثقيله
.
يكرم ويعطي له عطايا بلا قياس
ويمناه بالطولات تشفي غليله
.
الثاني من الناس طيب ولا بأس
يفرح إذا جاه العنا أو عميله
.
دايم يهلي كل من جاء من الناس
ويلقط الميسور ربعه تجيله
.
والثالث إلى ساير الوقت بقياس
ومرت عليه أصعب ليال طويله
.
الله عطاه العلم والحلم والباس
وبابه على رجله وكل يجيله
.
الرابع إلى نقر عيونه الحاس
دايم يسرمد بالردى والرذيله
.
صابه من العاهات عله وخناس
والمرجله ماله بها ولا تجيله
.
واذا سمع بالمرجله جاء له انعاس
صار يتمغط لين ينهد حيله
.
يا لله عليه من الغرابيل حباس
حباس سوء يهسر طول ليله
.

.

اسم القصيدهـ وقائلها :
" ثلاثة أجناس "
للشاعر // سليمان العبدالكريم الدريبي

.