منتديات موقع بشارة خير - تعال نختصر ونستفيد

كلنا يريد ان يتم عبادته على اكمل وجه لكن تثقلها علينا بعض مشاغل الدنيا وظروف الحياه فانكاد ان لانقوم بغير الواجبات ونترك السنن لثقل بعضها على انفسنا وهذا من الشيطان لكن هناك مخرج يختصر علينا كل التعب ويكتب لنا اجر من عمل بها بالكامل امثله اذكرها لكم
نقدرتصوم مثل نبي الله داوود؟ لا والله مانقدر يمكن يمكن فيه ناس تصوم لكن لم نسمع من قبل ان فلان يصوم الدهر طيب وش الحل نبي ناخذ اجر مثل نبينا داوود وش نسوي ؟؟؟
بأختصار صوم ثلاث الايام البيض فهي كاصيام الدهر كله جربو تصومونها اذا صمتو وجاء وقتها بالشهر التالي راح تحسون انها بحكم الواجب بمعنى انك تستنكر تركها ويعينك الله عليها كنها فرض فلا تفوتونها ثلاث ايام فقط من كل شهر 13 - 14 - 15
مثال اخر كم عندنا مفصل في اجسادنا ؟ تبي تتصدق عن كل مفصل في جسدك اللي عددها 360 بطريق سهله وماتكلفك شي وتبي تامر بالمعروف وتنهى عن المنكر وتكبر وتهلل وتحمد الله وتختصرها بعد ماعليك الا انك تتوضى قبل الظهر وتصلي ركعتين ((صلاة الضحى ))ايه صلاة الضحى تجزي عن ذلك كله ليه مستغرب ؟ هذا الدليل ولا يهمك
عن أبي ذر رضي الله عنه عن النبي صلى الله عليه وسلم قال ( يُصبح على كل سُلامي من أحدكم صدقة فكل تسبيحة صدقة وكل تحميدة صدقة وكل تهليلة صدقة وكل تكبيرة صدقة وأمر بالمعروف صدقة ونهي عن المنكر صدقة ويجزئ من ذلك : ركعتان يركعهما من الضحى )) ..
مثال اخر ايضا
طيب نبي نسبح الله ونحمده طول اليوم لكن بعضنا يفتر عنها ويعضنا يسبح شوي وينشغل وينسى طيب اختصر لكم الموضوع ؟؟
هذي امرأه في عهد النبي صلى الله عليه وسلم كانت تسبح وتذكر الله وتطيل ذلك مر عليها رسولنال في الصباخ الباكر ورجع الضحى ولقاها على نفس حالها تذكر الله
حبيبنا صلى الله عليه وسلم علمها كلمات تختصر كل اللي قالته وبنفس الاجر والثواب وش الكلمات
سبحان الله وبحمده عدد خلقه ورضى نفسه وزنة عرشه ومداد كلماته
قال النبي صلى الله عليه وسلم لهذه الامرأه " لقد قلت بعدك أربع كلمات ، ثلاث مرات . لو وزنت بما قلت منذ اليوم لوزنتهن : سبحان الله وبحمده ، عدد خلقه ورضا نفسه وزنة عرشه ومداد كلماته "
ما اطيل عليكم لنا لقاء في اختصارات اخرى والله يتقبل منا ومنكم صالح الاعمال