شوفوا لقافتي وين ودتني ؟؟
 

مساء الخير على الجميع ,, ياليت تساعدوني في مشكلتي ,, اليوم بالمستشفى كنت جالسه في الانتظار (( بالبالطوا )) سألتني وحده قالت إنتي دكتوره ولا ممرضه قلت أنا متدربه ,, قالت لي تليف الرئه له علاج ؟؟ قلت لها ماأدري (( مع إني عارفه الأجابه مسبقاً مافي دواء مر علي للتليف بس قلت مو متأكده والطب تطور )) ,, بس شكلها كان يحزن وقلقانه جداً ,, قلت لها بسأل الدكاتره وأرد لك خبر واعطيتها رقمي ,, المهم رجعت للبيت وجلست ابحث في مواقع طبيه اجنبيه وللأسف مافي علاج لازم زراعه ,, حتى الزراعه مو مضمونه ولها مخاطر,,, ومره محتاره ؟؟ وش اسوي ؟؟ هي معها رقمي وتتصل الحين علي وأنا مااقدر ارد ,, اخاف ارد وتحنقني العبره واخرب السالفه ,في نفس الوقت ماأقدر اطنش (( شكلها مره قلقانه )) واخاف اقولها الصدق وتقول للمريض (( وطبياً معروف مانقول للمريض علشان مايجيه احباط ومايستجيب للعلاج واخاف الدكاتره ماقالوا لها علشان كذا هي سألتني )) ,, وش اسوي ماأقدر اطنش شايله هما وماأقدر ارد ,, جاوبوني لأنها الحين جالسه تتصل وأنا على اعصابي ,,

الله يشفيها ويرفع عنها ويفرج همها ياارب
شوفي اختي ردي عليها وطمنيها انك مازلتي تبحثين في الموضوع
ماودك تعطينها كلام مو مؤكد منه .. يعني طمنيها بكلام يريح قلبها ولو لفترة مؤقته
قوليلي ارقي نفسك توكلي على الله

يكفي تخففين عليها

وانت ماقصرتي بالعكس لعل يكون خير لها
الله يجزاك الجنة

الله يشفيها ياربي ويعطيك العافيه على مشاعرك الانسانيه

السلام عليكم ورحمة الله وبركاته
قوليلها الصراحة اني متدربة لكن الدكتور بفيدك اكثر لانه فاااهم وعنده خبرة
انا للان ما حصلت شيء بس انتي لازم تتابعي مع طبيب مختص

بعدين يازينك ترى معروووف خليها على جنب و الله يتذكرينها بعدين وان شااء الله تدعين لي
الطب اثبت وجود علاج لاخطر سرطان وهذا الاكتشاف من دكتورة سعودية مع طاقمها الطبي
ولا تنسي( ما من داء الا وله دواء) امكن الله يفتح عليك او على غيرك ويلقى حل نهائي

مافي شيء مستحيل ابد وان لقيت اش تسوي بتوصفين لها صعب قبل مو لازم تتطلعي على التحاليل الاشعة حالة المريض الحالية
ترى كل حالة ولها وضعها انتي طمنيها وانصحيها بانها تتابع مع طبيب مختص او طبيب متابع الحالة لانه افضل للمريض
ولو حصلتي شيء امكن يضره لانك ما تعرفين حالتة وين وصلت اش وضعها

اعذريني طولت عليك وامكن ازعجك كلامي بس اخاف تضرينه ولا تضري مستقبلك لاتنسين انك متدربة تحت المجهر اي شيء محسوب عليك ولا لا

الله ييسر امورك