منتديات موقع بشارة خير

فتنة فيها المسيحي ان شافها نازع غلوّه
واعور الدجّال منها لو ظهر ضيع مكانه

مالها في الناس مثل ومالها في المثل قوة
كل شخص يمتلك شمس المعارف من جنانه

شعوذ افلاك الكواكب..من خيال الجن موّه
وادع ان الارض اصلا مالها في الكون خانه

من كنوز بحورها حوّل عطارد من علوّه
ثامن السبع الاراضي تحت حكم البنت دانه

والجمال الي هجيرة من على قمة خلوّه
من طلاسم سحر بابل والكتب ذات الحصانه

من على ساحل نحرها جيشها الطاغي عدوّه
جيش بلقيس بزمنها لو ظهر زلزل كيانه

كم معارك في ثراها دايرة حتى الاخوّه
في رضاها ..من ورى قلعة حصنّها ترجمانه

مارد المصباح كاهن من سهرها شع ضوّه
وانشد العرّاف يوحي للشعر حاكم زمانه

مسلمة.. حتى اليهودي من لمحها ماتفوّه
تارك الدين اليهودي واعتنق معها الديانه

تختلف فيها المذاهب كل مذهب في هدوّه
كل شيخ طاف يفتي في حمى الشرع وضمانه

لاي ارض ولاي دولة والقدر فيها سموّه
شفت فيها الموت قاتل والجنايز في خزانه

طيشها التحنيط معبد شيمة الطبع المروّه
ولاجل تنعم في مقابر صدرها فيها امانه

وش.. بعد فيها المسيحي شافها نازع دنوّه
واعور الدجّال اسلم والتزم مهجر مكانه