|
طــالـب يحـب مــعلمــه .. شوفـــوا إيش أهـداهـ
كان الطالب يدرس في الصف الاول الابتدائي وقد وشك العام الدراسي على الانتهاء وسأل الطالب المعلم: بدرسنا يأستاذ السنة الجايه قال المعلم: لا لانكم بتطلعون سنه ثانيه وبيدرسكم معلم غيري قال الطالب: ليه يأستاذ أنا وزملائي نحبك ومانبغى غيرك يدرسنا ......... (طبعا تعرفون حب الاطفال وإلحاحهم على الشي اللي يبونه ) المهم جلس الطالب على كرسيه وهو زعلان وجالس طوال اليوم لحاله ومالعب مع زملائه رجع البيت وهو متضايق وزعلان عشان المدرس.. طرت على باله فكره هي انه يهدي المدرس هديه بس مايدري وش يهديه راح لأبوه وقاله يأبوي أنا ابغى أهدي المعلم اللي يدرسني هدية وأبغاك توديني السوق أشتري له هديه قال أبوه خلاص أنا اليوم تعبان إذا جاء بكره ودتيك السوق وخذ له الهديه اللي تبيها قال الولد لاابغى أشتريها اليوم قال أبوه: خلاص قلتلك بكره يعني بكره أسمع الكلام ياولدي راح الولد غرفته وهو زعلان من أبوه وجلس يفكر في هدية المعلم وجاء الليل وهو باقي يفكرخطرت على باله فكره نفذها وأخذ الهديه وغلفها وحطها في كيس ونام وهو مبسوط قام الصباح من بدري وهو نشيط وفرحان ولبس وأفطر وراح يصحي أبوه وقام أبوه ولبس وراحو المدرسه أستغرب الاب ان ولده فرحان ومبسوط ونشيط بالعاده أنه أول مايدخل السياره ينام بس قال اكيد عشان اليوم أخر يوم في المدرسة وفرحان عشان العطلة ودخلو الاب والولد المدرسه طبعا الاب مدير المدرسة اللي فيها ولده دخلو الطلاب فصولهم ودخل المعلم اللي يحبه الطالب الفصل بعد ما سلم المعلم على الطلاب وردو السلام قام الطالب بسرعه واعطى المعلم الهديه ورجع مكانه وجلس وهو مستحي من المعلم شكره المعلم واخذ الهديه وحطها على الطاوله وجلس يلعب مع الطلاب حتى صفر الجرس وخلصت الحصه أخذ المعلم أغراضه وانتبه للهديه وأخذها وطلع وهو ماشي لغرفة المعلمين قال بفتح الهديه وأشوفها قام يفتح الهديه وهو مبتسم توقع أنها لعبة ولا شي تافه ويضحك.. ولما فتحها وشاف الهديه فتح فمه من هول مارى وش تتـــوقـــــــعـــــــون جاب الطالب هديه؟؟...... فكروووو ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? ؟ ? جاب حــــــــــزاااااااااااام أمه الذهب لبس المدرس الحزام وهو ميت من الضحك وراح للمدير ودخل عليه وهو يضحك وقاله: وش رايك حلووووو بغى يهزأ المدير المدرس من أستهتارهـ بس مسك المديرنفسه قال المدير : وش ذا اللي أنت لابسه قال المدرس : ماعرفت هذا الحزااااام قال المدير : تصدق يشبه حزاااااااام زوجتي قال المدرس: وإذا قلتلك أن هذا حزااام زوجتك صدق قال المدير: وش جابه معك قال المدرس : ولدك أهداني اياه والهدية لاتهدى ولاتباع جلس المدير والمعلم يضحكون واستدعى المدير ولده وسأله وأعترف الولد أنه دخل غرفة أمه وأبوه ومالقى شي غالي عند ابوه وراح وفتش في أغراض أمه ولقى ذهب أمه وأخذ حزاااااااااام الذهب وغلفه وأعطاه المدرس ضرب الاب ولده بالعصى ضربتين محترمه وقاله رح لفصلك وشغلك معي بالبيت م.ن |
الله يسعدك يالفجر مرة حلوة القصة وتموت ضحك هذة الهدية ولا بلاش :biggrin: رهيب هذا الطالب
|
ونعم فيه كريم بزيـــاده هههههههههههههههههههههههاي
يسلمو فجووره ,,, |
رهيييييييييييييييييييييييييييييييييييب ها الولد عرف كيف يعبر
|
هههههههههههههههههه حلوووووووووووووووووه القصه يافجوره
ماشاء الله كريم الولد ههههههههه . |
:biggrin:حركات الطفل هذا
ماشاء الله عالمعلمات اللي يلقون أطفال يحبونهم ويهدونهم ويزعلون إذا راحوا أنا دخلت تربية عملية ماوحدة حتى شخبطت لي بورقة :tongue: بس وحدة قالت لي أبلا بجيب لك وردة بكرة قلت لها الله يعطيك العافية في نفس اليوم صارت شيطانة وماعطيتها هديه مثل الباقي جات زعلانة قالت ماتعطيني هدية وأنا بجيب لك وردة :mad: تمن علي وهي لسه ماجابتها:rolleyes: آخر الدوام كسرت خاطري واعطيتها هديه:tongue: انتهى الترم ولا شفت وردتها :biggrin: شكرا الفجر عالموقف الطريف |
اقتباس:
هههههههههههههههههههههههههههههاي الله يسعدها هي و وردتها المفقوده خخخخخخخخخخ:tongue: موقف طريف هالاطفال حركاتهم تهبل :tongue: |
اقتباس:
دوم الضحكة يارب أجل خذي هذي بعد: البنت هذي تقول لمعلمتها الاساسية أبلا أبوي وأبوك أصدقاء وفي الحقيقة هم أبو الطفلة وزوج المعلمة معلمين في مدرسة وحدة وهي تقول ابوي وابوك ههههههههههههههههههه |
اقتباس:
|
ياحليله الولد
كرييم حيل |
| الساعة الآن 2:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab