|
عيدية ابو زوجي لي ابي رائكم
السلام عليكم ورحمة الله وبركاته باادخل بالموضوع على طول ولدي عمره خمس سنوات وسبع اشهر طلع عند جده بالدور العلوي يسأل عن ولد عمه رد عمي ابو زوجي شوفه راح عند أخوالك روح له ماادري اش قصده في هذي الكلمة علمآ ان ولد عمه ماله علاقه بأهلي هذي الأولى والثانيه جيت اسلم على سلفتي عشان توها جايه من سفر قال بدري اش اللي أخرك ماتسلمين وهي مالها يومين من جات وقاله وهي تسمع هذي نقط في بحر من كلامه الجارح لي غير كلام أم زوجي الجارح في ظهري أنا ودي اتكلم بس خايفة على بيتي وزوجي يعرف إنه غلطان يقول اش اساوي ابوي وأمي مااقدر اقولهم شئ أنا والله محترمة وماابغي اغلط على أحد بس أحسها زادت علمآ أني أنا اللي أساوي لهم الأكل كل يوم ابي إجابه ورد شافي كيف اتعامل مع الموقف وش رائكم في كلامه لولدي وهل أخبر اهلي أم اسكت الله يحرم وجوهكم من النار ردوا |
وعليكم السلام ورحمة الله وبركاته اعتبريه ابتلاء وأكثري من الدعاء. فقد ابتليت مثلك من قبل. وربي أخذ لي حقي. هذا من الظلم والله (( ولا تحسبن الله غافلاً عما يعمل الظالمون .... )) (( إن الله يدافع عن الذين آمنوا )) واجعلي الحق لك لا عليك. أهم شيء ما يتغير زوجك عليك بسببهم. أسأل الله أن يعطيك خيرهم وأن يكفيك شرهم. وأن يؤلف بين قلوبكم. |
اعرف وحدة زي كذا ويمكن اكثر وبرضه هي الي تساوي لهم كل شي لاكن كل يوم تتهزأ حتى ول على التلفون وتبكي وكمان زوجها عارف وساكت لانه هم كبار في السن
بس اصبري مافي غير هذا الحل واهم شي انه زوجك مو هو الي بيجرحك |
شـكــ ـــرا لكم ... لكم مني أجمل تحية .
|
اصبري اختى وش تسوين ولاعاد تعطينهم وجة بزيادة ترا الناس ماتنعطي وجة خوذي حقك بس بدون لا تزعلين احد
|
شـكــ وبارك الله فيكم ـــرا لكم ... لكم مني أجمل تحية .
|
أعانك الله وفرَّج همك آمين مادمتِ تحسنين إليهم ويسيئون لك فاعلمي أن لك من الله ظهيرًا عليهم وسوف يبدل الله حالك معهم للأحسن بإذنه تعالى ، وحاولي أن لا تحتكي بهم كثيرًا وكوني ثقيلة نوعًا ما مع خدمتك لهم عند الحاجة إلزمي الاستغفار والحوقلة والدعاء بصلاح الحال واحتسبي صبرك عليهم وسوف ترين عجبًا |
الف شكر اكتب وانا ابكي كل يوم يختلقون مشكلة الحمدلله على كل حال |
اقتباس:
اللة يصبرك |
الصبر جميل اهم شي زوجك داريه وطنشيهم ترى الخسران يقطع المصران وبعدين صلي صلاة الليل واستغفري وكرري (وجعلنا من بين ايديهم سدا ومن خلفهم سدا فأغشيناهم فهم لا يبصرون )سورة يس .
هذي الايه كرريها وانتي رايحه لمهم والله يكفيك شرهم انتي وسعي صدرك دام زوجك طيب معاك والله معاك تمنياتي لك بالسعاده ...................................... |
| الساعة الآن 2:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab