منتديات موقع بشارة خير - سندويشات التوووونة رووعة

السلام عليكم ورحمت الله وبركاته

اليوم حبيت اعلمكم طريقتي في عمل سندوتشات التونة بالتوست وصدقوني راح تعجبكم بس ابغاكم تدعون لي ..

اولا:المقادير:
بصل مقطع صغار
زيت للكشنة
طماطم معجون يعني على حسب حجم التونة من ملعقتين لثلاث ونص
نص ملعقة صغيرة بهار حار
ونص ملعقة صغيرة بهارمشكل
ربع حبة ماجي
سومطرة انااحط ملعقة وحدة لاني اموت على الحرارة
رشة ملح طبعالاتكثرين لانة مايحتاج كثير
التونة الحجم اللي تحبين لكن تصفينها من الزيت

ثانيا:نجي لطريقة:
طبعا نقلب البصل والزيت في الطاوة لحد مايتحمر البصل وياخذ اللون الذهبي بعدين نحط الماجي والبهارات ونقلب بشكل سريع علشان مايحترق البصل مرة بعدين نحط التونة بس إنتبهي لايطش فيك الزيت وقلبيها وحطي الطماطم والسومطرة والملح وقلبي زين لحد ماتتجانس معاك المقادير طبعا مايبغى لها وقت بس تقليب سريع لحد مايصير لونها احمربذهبي بلمعة ونطفي عليها بعدين ناخذ التوست ونمسحة بالمايونيز ونحط الخلطة السابقة ونحط قطعة توست ثانية كمان ممسوحةبالمايونيز لحد ماتخلص الكمية وتاكلينها على براد شاهي وشوفي الطعم الحلو
وممكن تسوينه في صينية يعني ترصين التوست في صينية بايركس وتغطين الصينية زين بالتوست رشي التوست بشوي حليب سايل علشان يلين معاك وقت الاكل بعدين امسحية بالمايونيز وحطي التونة مديها زين على التوست وارجعي حطي طبقة ثانية من التوست وسدي كل الفتحات زين بعدين اخلطي في الخلاط خمس ملاعق جبن سايل وعلبة قشطة وحبتين كيري اخلطيها زين وحطيها كطبقة اخيرة ودخليها الفرن بس تتحمر وتاخذ اللون الذهبي وبالعافية عليكم جربوها والله ماتندمون وراح تسوونها كل يوم خصوصا إنا على ابواب الإجازة واسفة على اللإطالة ودمتم بالصحة والعافية

م ن ق و ل