|
زوجي بيرجعني بس ما ادري وش اسوي تكفووون شورو علي
السلام عليكم ورحمة الله وبركاته مساء الخير على اعضاء منتدانا الدميييل والغالي على قلوبنا ندخل في الموضوع زوجي العزيز بعد سنه ونصف قرر يرجعني طبعا انا ما عندي مشاكل بنيتي تستاهل يالبى قلبها .... الي محيرني حله للمشكله طبعا ابغى اوضح سبب طلعتي من عنده حصل خلاف بيني وبين اهله وطلبت شقه رفض وقال ما اقدر شدينا بالكلام مد يده علي قال كلام ماله داعي ينذكر جاء اخوي وخذاني ... الحل الي قدمه طبعا انا بكمل دراسات فقال انا بجي بالعيد لاكن مو عندكم بالبيت في بيت نسبنا لانه ما وده يجي للبيت ويحصل شد وهو طبعا اعصابه مفلوته وما يبي يطينها وهو يبي يعمرها طبعا بيقابل ابوي واخوي الكبير واناو نسبانا كلهم ويصير كلام رجاال لا يبي امي تدخل في السالفه ولا امه ,,, حله اني ياخذني بالاجازات ويرجعني لهلي لين ما تمر السنتين واخلص ما جستير واكمل الدكتوراه بجده طبعا لا اخذني ممكن نسافر وممكن يا خذ شاليه او نجلس بئوتيل وممكن في حالات اروح لبيتي الي هو بيت اهله الان ما صار في البيت الا امه, واخته الي كانت مسويه المشكله جابو لها عيالها بيت وقعدت فيه , وحلف لي ان ما احد بيتعرض لي ولا بنظره ومن هنا لين ما اخلص السنتين يكون اخذ الشقه واثثها واروح اكمل بجده ونسكن فيها , لان ما عنده امكانيه الان ياخذ شقه .... انا الان متردده وما ادري سالفه بيت بسيبنا صح ولا شينه في حق ابوي بصراحه هو لو جاء للبيت بيطلع له اخواني الثنين و امي الي هي عمته اخت ابوه وبتقلب مشكله فاقول احسن برى واوقات اقول لا====>ابي شور الرجال بالموضوع هاذا والنساء الجميلات في الباقي وبس |
وعليكم السلام ورحمة الله وبركاته
الله يوفقك وييسر لك كل خير أنا أبغا أقول لكِ رائي وهي وجهة نظري أنا أقول أذا كان والدك مرحب بالفكره وماعنده مانع وماتضايق مافيها شيء أذا كان قصد زوجك أن الحريم مايتدخلون يكون أفضل أنهم مايتدخلون في النقاش لانهم ماشاء الله عليهم أكيد كل وحده بتدافع عن ولدها ولا بنتها ويقدمون عواطفهم على حل المشكله ولا يتمالكون أنفسهم إذا عصبوا أكيد لكن إذا كانوا رجال بيكون التفاهم في الأغلب راكد وهادئ وذو رأي سديد بأذن الله............. {وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِيدَا إِصْلاَحًا يُوَفِّقِ اللّهُ بَيْنَهُمَا ... آخر الآيه الله يتمم لكي على خير وبشريناااااااااااا الله يسعدك ويهدي بااااالكم |
ولا تنسين الأستخااااااااااااره أهم شيء
|
نهـــــر الود تسلمين يالغاليه ...
اسعدني مرورك... |
شـكــ وبارك الله فيك ـــرا لك ... لك مني أجمل تحية .
|
اختي استخيري اول ولاحظي نفسيتك فرحانه للوضع او لا
بس احس ان شاءالله الامور بتييسر بما انه الكلام امام رجال وكلام الرجال ما ينرجع فيه فرحت لرجوعك ,,ماتنسى كل المشاكل تهون عشان زوجك واولادك وانتي مأجورة بالتضحية ان شاءالله |
اقتباس:
يابنت مالك الا زوجك وبنووتـــك الله يحفظها لكــْ |
وعليكم السلام ورحمة الله وبركاته
هلا بك ,, توكلي على الله نعم الحل والامور بتتسهل ان شاء الله .. وهذا حال الدنيا وانا اخوك وما دام الرجل شاريك ويجتهد باللي يقدر عليه ليرضيك فتوكلي على الله وما بعد الضيق الا الوسع .. قال الله تعالى ( والصلح خير ) فالموضوع اختي اصلاح ذات بين وصلة رحم وانتم الان في بداية الحياة وبالصبر وسعة الصدر تتجاوز العقبات وتحل المشكلات .. واللي يظهر لي انه يغليك ويعلم انه غلط بحقك وان اهله هم المخطئين عليك وهو يحاول يرضيك بهالحلول اللي هو يقدر عليها .. لذلك اعينيه وطاوعيه على هالشيء وراح تكبرين بعينه ويزيد غلاك عنده لانك بكذا بتكونين امراة عاقلة وسمحة ومرنة وهالشيء ممتاز بالمراة وبتكونين اغلى انسان على قلبه .. اسال الله ان يوفقك ويسعدك بالدنيا والاخرة وان يعيذك من همزات الشيطان ومن شر النفوس .. وحياك الله |
السلام عليكم ورحمة الله وبركاته
انا مع اخ القصاني في كلامه اسال الله ان يجمع بينكم بالخير |
ماراح ازيد ع كلام اللي تكلمو .............. بس بزيد بشي واحد......... ... هذه http://www.laymark.com/i/m/m199.gif اقول فديوه من جدك تشاورين http://www.laymark.com/i/m/m072.gifيلا ضفي قشك بكيس زباله ومع السلامه ع بيت رجلك تذكرين اول ماعرفتك كانت نفسك بخشمك كنت اقولك الله يصلح حالك كنتي تقولين مارتحنا بوجود الرجال ولا بدونهم كنتي تخوفين نفسيتك بخشمك يومها قلت يومّـــــــــــــــــه من قلبي http://www.laymark.com/i/m/m110.gif يلا اسمعي الكلام لاأحولك قطعة شاش http://www.laymark.com/i/m/m198.gif <<< خخخخخخخخخخخ ترا امزح بس انبسطت لك وربي من معااااليدز قلبي وربي خبر يجنن عالاقل عشان بنتك اللي ناقزت لك يوم لقيتي الوظيفه :) تقبلي مرور اختك الناعمه .. فسرو لي http://www.laymark.com/i/m/m013.gif |
| الساعة الآن 8:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab