|
قصيده قويه عن الخيانه ,,
لا ردك الله لا ولا اطلب تردين ادعي عليك بعثرة فـي صلاتـي عثرة تشلك ما بعدها تقوميـن يا قاتلتني يوم صرتي حياتــي خدين لك بالقلب كانت بساتين وريضان وغصونن بها يا نعاتي كنتي مناة القلب والروح والعين واليوم عينك يا علها ما تباتـي كنت أحسبك للعهد والحب توفين قلتي الغدر بالحب ماهي بسواتي وحلفتي يمين الله ما منك اثنتين وانك ملاك دون كل البناتـــي وانك على عهد المودة تسيرين ولا تسمعين أهل الحسد والوشاتي وصار اليمين ستار خلفه توارين ورماح غدرك بالخفا مشرعاتـي وبان الغدر سم جرى بالشرايين الله عسى يسقيك سم الفعاتـــي كلي سقيتك حب واليوم تنسيـن تقولين حلم أيام واليوم فاتـــي خذتي الهوى لعبه على ما تحبين لين عصفت بالهوى عاصفاتـي من زينك يا بنت بالشعر تزيين من صورك بأبياته الطايلاتــي أنا من غرامي قلت كانك تذكرين قلت الخجل صاب البدر من مناتي وصرتي بشعري في العذارى تباهين تقولين أنا شمس العصر في حلاتي زينتك بشعري ولا غر بك الزين ما زانتك صبغات حمر الشفاتــي صورتك بالشعر حزام ورياحين واثرك هضاب وشوك ما به هداتي رسمتك سحابه خير قطر تنفين فزت لك الصحراء زهور ونباتـي رسمتك مهاة للجميلة تقودين واثرك قطيعة وضيعتها الرعاتي واثرك غراب يوم سدل الجناحين كنت احسب إني شايف لي قطاتي بالشعر أغليتك على كل غاليين وأثرك دنيه وتعشقين الدناتــي وبالشعر عاتبتك عتاب المحبين أنا من يسوم الروح لك يا غناتي توسلت لك خايف على حب عامين عامين لكن في حسابي مئاتــي ناديت لكن لي ابد ما تسمعين عمري وروحي فكري في ثباتـي حذراك للشينات عمري تماشين عديمات اصل اخلاقهن دانياتي غاب الولي عنهن ولعبن بحبلين يا خس واليهن وخس الولاتي ما همهن في الناس زين ولا شين وقلوبهن من حقدهن مظلماتي وقلتي وربك لو يكونن ملايين ما غيرن باطباعهن من سماتي تحسبين انك بالمهافه ترقين كيف الصعود يكون للهاوياتي وخنتي وبعتي كل عهد وايامين ما عاد يفرق بين ماضي وآتي وصرتي مثل غيرك برخص تبيعين يا مرخصتني ما بقى لك غلاتي صبري نفذ واليوم ثارت براكين مظلوم أنا وباكر تحل ادعواتي سمعي عسى من بعدها ما iiتسمعين سمعي دعا من صار قلبه حصاتي ادعي عسى من ناضرك ما تشوفين وتطحن بك الأيام طحن الرحاتي وعساك عوق منه ما عاد تبرين عوق تشافق له قلوب العداتي ويالله عسى يحتار فيك المداوين تبين الممات ولا يجيك المماتي ويالله عسى كف الندامه تعضين تندمين يوم انه يفوت الفواتي وتبكين دم يسيل من مقلة العين وتحتار أمك عن عناك وتحاتي عسى ما تلاقي من له القلب تهدين وان هو حصل ادعي عساك الشتاتي يا بلوة اللي وسط بيته تعيشين ساهي وحوله شب جمر الغضاتي عسى بعمرك ساعة ما تهنين وتمضي حياتك بين هم وشقاتي يا بنت قلبي وين مثله تلاقين قلب عطاك الحب ما قال هاتي جيتك وروحي شلتها لك بكفين وفي التالية رمح الخيانة جزاتي يا لله عساك النار يا أم وجهين كله انكشف لا ما تفيد العباتي ويا لله عسى تلبسك جن وشياطين وتكونين مدعاة الحكي والشماتي يا حية رقطا تقود الثعابين باكر تحن أيامك المعتماتي وباكر على فعلك بمثله تجازين ظلم المشاعر ما تحكمه قضاتي بيني وبينك تحكم أيام وسنين وأنا شاهدي قلب من الغدر ماتي ويا دمعة التمساح لا لا تذرفين العيون رغم ادموعها كاذباتي لا ما عرفتي الحب لا ما تحسين وغدرك تعدى غدر ذيب الفلاتي الذيب يعوي قبل يغدر بمسكين وأنتي غدرتي خافقي في سباتي لو كان غدرك في كف الموازين لكان رجح كل غدر البناتي أنتي السبب سقتي على القلب جرحين غدر الغرام وموجع الذكرياتي وأنتي السبب واليوم لا لا تلومين وان جاك باكر شوفي اشلون يأتي والله لأكتب وأفضحك في دواوين وارقص واغني يوم خبر الوفاتي وارسم لأهل العشق قلب وسهمين وقصة خيانة ما روتها الرواتي ويمين لأنشر فوق اسمك عناوين وأشهرك من قاصي اليمن للفراتي ومن غرب هالدنيا إلى قاصي الصين ديوان غدر فيه كل اللـغاتي والبادي اظلم سنة العين بالعين وألا فذي لا عادتي ولاهي بصفاتي ويا شبه إنسانه برأس ورجلين أعوذ بالرحمن منك بصلاتي واتمنى تعجبكم وتقبلو خالص تحياتي |
أفاا عذاااب ,,أليمة والله .. لأبعد مدى
الله يعطيك العافية =========================== |
موفق بإذن الله ... لك مني أجمل تحية .
|
مررررررررررررره قويه يسلموووووووو
كل خاينه او خاين مالو الاكذا |
| الساعة الآن 2:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab