منتديات موقع بشارة خير - المديرة الدااهية جعلها ماتجي عندك!!

هذي قصة جاتني على الايميل:

يقولون انها صدق

هي عن مديرة مدرسة عزباء غابت عن المدرسة

يومين ، ولمارجعت قابلتها المدرسات :

سلامات وينك يامديرتنا ؟؟

قالت باركوا لي تزوجت!

قالوا ما شاء الله الف مبروك، بس منهو سعيد الحظ؟؟

قالت :بكل صراحة وارجو انكم ماتزعلون مني

انا تزوجت زوج وحدة منكم!!!!

طبعآ كل المدرسات أنصدموا؟؟!!

وصاروا يترجونها،تكفين تكفين زوج مين فينا؟؟

تكفين علمينا

تكفين قولي لنا!!

وهي تقول ما أقدر ماأقدر!!

المهم نشبوا لها وحلفوا عليها الا تعلمينا!!

وكل وحدة حاطة يدها على قلبها

وخايفة لا يكون زوجها!!

واللي ترفع يديها للسما وتدعي!!!

واللي تمتم بينها وبين نفسها

وتطالع المديرة بنظرات ترقب!!!!

واللي شوي ويغمى عليها!!

عاد المديرة يوم شافت انهم ملزمين الا يعرفون

قالت خلاص انا باقولكم بس بشرط؟؟!

ما أمداها تكمل كلمتها الا وكلهم جايين ركض

اشرطي،اطلبي،قولي اللي تبين،بس واللي يرحم والديك ريحينا؟؟!!

قالت:اللي تبى تعرف تجي بكرة بدري وتجيب معاها500 ريال

واذا جت توقع تحطها على الطاولة،واللي باخذ منها الفلوس

فترى مو زوجها،

واللي بتجلس فلوسهاعلى الطاولة وما آخذها منهاهو زوجها!!

لانه عيب علي اخذ زوجها وفلوسها بعد؟؟

لا والله عيب علي!!!

ولا تحلمون اني راح اعلمكم بغير هذي الطريقة!!

المدرسات وافقوا مع انهم موب راضين، بس وش يسوون

ما قدامهم الا كذا!!

وما جا بكرة الا والمدرسات كانهم في سباق

وكل وحدة فلوسها في يدها وتقول عساني الأولة!!

ودخلوا مكتب المديرة، وصباح الخير مديرتنا كيف الحال

وكل وحدة ودها تمصع رقبتها وتجبرها تتكلم؟؟!!

دخلت الاولى وبعدها الثانية والثالثة والرابعة .......وحتى العاشرة

والمديرة كل ما حطت وحدة 500 خذتها!!!

ويوم جت رقم 11الا والمديرة تأفف!!

حطت الضعيفة فلوسها وهي ترجف،وقالت تكفين خذيها!!

قالت المديرة:آسفة!!

قالت:كانها ما تكفي احط بدالها الف بس خذيها!!

صلحت المديرة جلستها وابتسمت وقالت:اوووووووووووووة انتي جواهر

معليش اسمحي لي ما ركزت كنت احسبك ضرتي!!

وخذت الفلوس!!

المدرسة شوي وتحب رجل المديرة!!

ويالله قدرت تمشي

ودخلوا المدرسات وحدة ورا وحدة

والمديرة تلعب باعصابهم شوي ثم تاخذ الفلوس!!

لما خلصوا

استغربوا المدرسات ما فية ولا وحدة ما خذت منها؟؟

قالت المديرة :لسة باقي سهام وينها؟؟

قالوا صح وينها؟؟

كل وحدة طلعت جوالها وتحاول تتصل بسهام،

يوم ردت عليهم قالوا وش فيك ما جيتي؟؟

قالت :أبد تعبانة شوي

الا من صار زوج المديرة؟

قالوا للحين ما بين شي، والمديرة مارضت تاخذ مننا الفلوس

الا لما نحضر كلنا، وعاد ما باقي الا انتي

(يلعبون عليها عشان تتطمن و تجي)

وصاروا يترجونها تعالي بسرعة كلي لك حبتين بنادول وتعالي

والا اشربي لك فوار، ولا كمون دافي وتعالي!!!

قالت: خلاص ان شا الله ربع ساعة وانا عندكم

وتمر ذا الربع عليهم كنها يوم!!

وجت المسكينة تسحب رجليها بالقوة من التعب!

وطلعت الدرج ،ووصلت غرفة المديرة

وباقي المدرسات يناظرونها بشفقة!

و اللي تسمي عليها خايفة عليها من الصدمة!

وفية وحدة بينها وبين سهام وقفة نفس

كانت تتبسم بخبث وتطالعها بتشفي!!

وكل وحدة مستانسة انها مو هي!!

ودخلت غرفة المديرة وحطت فلوسها على الطاولة،

وحطوا المدرسات ايديهم على قلوبهم!!

قامت المديرة من على كرسيها

وخذت ال 500 !!

المدرسات صاروا يطالعون في بعض

ويقولون:فية وحدة منكم المديرة تركت فلوسها على الطاولة؟؟

كلهم قالوا أبدآ، خذتها كلها وما بقى احد ما خذت منة؟؟!

قالوا وش السالفة؟؟

لاتكون المديرة غيرت رايها وماتبي تعلمنا؟؟

رجعوا للمديرة وقالوا لها:انتي تلعبين علينا ولا وشلون؟؟

خذتي الفلوس منا كلنا؟؟!!

يالله قولي لنا منهو زوجك وفكينا!

والفلوس حلال عليك مانبي منها شي بس تكلمي!!

ضحكت المديرة وقالت:باقولكم شي بالاول:

الفلوس الحين اللي معي12000 وماراح ارجع منها شي

قالوا بكيفك ،على راحتك ،خذيها أحرقيها ،سوي فيها اللي تبين،

بس ريحينا!!

قالت:بصراحة انا لا تزوجت ولا شي لين الحين عزوبية

والله يسوق لي ابن الحلال !

وانا كنت تعبانة في اليومين اللي فاتوا

بس اني كنت اطلب منكم قبل شهر

تدفعون 100 ريال عشان نصلح المصلى ولا وحدة منكم طاب خاطرها

ووافقت تدفع!!!

فقلت انا:والله لادفعكم اياها بدل المية خمسمية!!!

نصلح المصلى ونشتري مصاحف وقف للمسجد!!

قالوا بس؟؟؟؟

فداك الفلوس

واللي جاب الفلوس!!!!!!!!

عليك بالف عافية

وكان تبين زود عطيناك ؟؟!!

هو بس صدق ان رجالنا ماتزوجوا علينا!!

في قريح الفلوس واللي اخترعها!!!!