منتديات موقع بشارة خير - هالزمن لو مايطيعك طااااوعه و احذر خداااااعه...

مايرد النفس عن درب السخط غير القناعه
و الرضا حكمه تشدّ العزم بالحزن الثقيل
مالنا لاثار موج الهم و اشتد اندفاعه
غير دعوة رب هذا الموج و الخافق ذليل
نوب نضعف لاغزانا الهم و أتعبنا شراعه
نفقد الحكمه و نبحر بالأسى من دون حيل
ونوب تفقدنا المصايب من بلاويها الشجاعه
ونوب نخوات الشجاعه ترمي الخافق قتيل
عايشين بطيب عيش و نشكي ظلم المجاعه
في مظاهرنا سكون وفي مخابرنا فتيل
نشتكي ونقول جرح الوقت ياكبر اتساعه
و الحقيقه لا تمايل هالزمن قمنا نميل
ماخذتنا هالليالي بين أياديها بضاعه
لين جيناها عروض و سعرنا جداً قليل
إن وقفنا..ما وقفنا غير في وجه الجماعه
وإن جلسنا..ما جلسنا غير عن فعل الجميل
وإن حكينا..ما حكينا غير بـ فلان و متاعه
وإن سكتنا..ما سكتنا غير عن حق و دليل
تشتكي منّا أخوة أصبحت وهم و إشاعه
ليه خليتوا جروحي من فعايلكم تسيل؟؟
وتشتكي منّا صداقه أصبحت زيف و صناعه
ليه وقفات الصداقه مالقت فيكم أصيل؟!
وتشتكي منّا مبادي مالقت منّاشفاعه
حقها مُجحف و فينا مالقت درب و سبيل
هالزمن لوما يطيعك طاوعه و احذر خداعه
نوب تغرينا ملامح وسطها وجه بديل
و الشقا وإن طال غيمه تالي الغيم إنقشاعه
ما خبرت الغيم يبقى في سمانا لو يخيل
و الوجع موجود طبّه بس يحتاج لـ مناعه
و المناعه حزم قلب و صبر مع قلب يشيل
و الزمن و إن زاد قسوه يبتسم لك لو لـ ساعه
و إن تبسم لو لساعه احمد الرب الجليل
ابتسامه عقب دمع حرّق الجفن التياعه
خير من دمع فقد ضحكات من وقتٍ طويل
بإختصار ارضى بواقع دنيتك و اقبل سماعه
و اقتنع بأحكام وقتك لو غدى قلبك عليل
رااااق لي