اريد مشورتكم جزيتم خيراً...
 

حبيبتي اول شي استخيري وبعدين ترين اذا اكبر منك بيفهمك احسن انا زوجي اكبر مني بسنتين واحس تفكيرنا غير دايم فمشاكل العناد فينا والتحدي وكل شي لكن لو انه اكبر مني ماكان هذا تفكيره وفي مثل عندنا الشايب يدلل والشاب يملل وذا كان كويس وافقي بس هو متزوج او لا واذا كان مطلق اعرفي اسباب الطلاق زين لا يصير فيك نفس الشي اما اذا كان الى الحين ماتزوج فاسالي ليش لا يكون راعي خرابيط اسالي ياقلبي انا ما ابغى اخرعك بس انا عايشت قصص كثيره واذا شفتيه تمام وافقي والله يرزقك للخير ياقلبي

اختي قرب عالخمسين بدون زواج كذا من غير سبب ماهي داخله عقلي اتاكدي اخوي عمره31 رافض يتزوج شكله كان يحب وحده واحنا سبيناها وهو عندنا وتعقد يتزوج اتاكدي ياعمري لا تتورطين باقيك شباب والعمر قدامك تجلسين كذا ولا تكونين مطلقه او عايشه فعذاب ادري خوفتك بس وربي وربي معتبرتك زي اختي وخايفه عمصلحتك ماابغاك تتاذين ولا تنسين علميني بالتفاصيل قلبي معك

استخيري الله وترا فارق العمر فيه فارق كبير في العقل يعني حسب روحه وحسب عقله والله مدري بس اهم شي استخيري والله يجيب لك اللي فيه الخير

اختي بعد عشرين سنه حيكون في مراحل الشيخوخة وانتي لسا

يااختى وافقى عصفور فى اليد ولاعشرة على الشجرة تر الرجل الكبير يدلع الحرمة توكلى على اللة