|
حالات الشباب عند الاشارة هههههههههه
السلام عليكم ورحمة الله وبركاته صبآحكم / مسآئكم فل وكآدي .. جبتلكم اليوم حركآت شبآبنآ عند الاشآرآت .. وعشان محد يقولي مو كلنا لاتظلمين .. ادري مو كلكم بس والله اللي كاتب الموضوع انساان/هـ بطل .. أترككم مع الموضوع حركات الشباب عند الاشاره • النوع الأول هو اللي يستغل وقته ويرتب سيارته ويفتح دروج سيارته ويعفط في هالفواتير ويرميها بالشارع وفجأة ماتدري إلا وهو ناقز في المرتبة اللي ورى يرتبها ولاتستغرب إذا شفته ناط في شنطة السيارة ( الرجال مرتب) وتنفتح الإشارة والأخ مشغول في التنظيف !! • النوع الثاني هو اللي تقول توه يكتشف إن وجهه محتاج تنظيف ويسحب في المنديل وعلى خشمه إذا خلص طفى السيارة عشان ينظف إذنه بالمفتاح ( قصده شريف) وشوي يقص اضافر يده وما تدري إلا مرفع رجله ويقصها هذا إذا كان معها مقص أظافر وإذا ماكان موجود فالحل موجود طبعا يقص أظافر بواسطة أسنانه(قمة النظافة)!! النوع الثــآلث .. وهو أكثر واحد يفرح إذا وقف عند الاشاره عشان يبدأ يستعرض ويرقص وهو اخواياه ويرقصون السيارة معهم !! • النوع الرابع هو عكس اللي قبله هو اللي يشغل شريط خالد عبد الرحمن (ومغلدم) وأنواع التغلق والحزن وطبعا الأغنية من كثر ماهي قديمه تشك انه مغنيها قبل توحيد المملكة ويكون وجهه مورم من الصياح ! • النوع الخامس وهو اللي تقول توه مكتشف إنه أبو وماتسمع غير هواشه وتلعينه على بزرانه اللي مالين سيارته وما تدري إلا وهو ساحب العقال ومخرب التشخيصه ( يستعمل أساليب ألتربيه الحديثة) ويرجمهم بكرتون المناديل اللي ماليه السيارة والفضل يعود لمحطة البنزين لو تمر جنبهم عطوك منديل هدية !! • النوع السادس هو اللي يستغل الوقت ويجلس يشخص ويرش عطر وشوي ليحط روج ومعلق الايرفون في إذنه ومشغل شريط ( سيلين ديون) مسوي جو أجنبي وأنواع القز في السيارة اللي جنبه !! • النوع السابع وهو إذا شفته ترحمه وتقول ميت من الجوع وتشك انه جالس في مطعم مو في سيارته الرجال ماسك الهمبرجر بيد والبيبسي والبطاطس بيد والشورما في حضنه والفطاير جنبه والبيتزا في المرتبة اللي وراه ولا تستغرب لو شفته داب في مفطح !! • النوع الثامن هو تحس ان ماعنده وقت ابد ودايم بزي ولابس نظاره وخاتم ومبحلق في هالجريده ومسوي زحمه في الشارع واللي جنبه طفشان مشتغل مسجات بالجوال !! • النوع التاسع والأخير وهو اللي سيارته زحمه مو ناس لا ماخلى ثوب ولا شماغ ولابدله ولا جزمه حتى الشراب إلا مركبها (الله يكرمكم) معه عشان يكون تبديل الملابس أسرع عند الاشاره حتى البطانية جايبها وماخذها معهأ تعرفون الجو متقلب !! منقول دمتم بود ... الجنة أغلى ’’’ :smile: |
ههههههههههههههه...
يعطيك العافيه.... |
خخخخخخخخخخخخخخخخخخخخخ
يسلمووووووووووووو |
أنا قريب من النوع الخامس بس ما احب العن لأن اللعن طرد من رحمة اللة ولا استخدم العقال عندي الخيزران ولا كراتين المناديل000 البزران يجننوني في السيارة هذا يظرب هذا وهذا ياخذ حلاوة هذا وهذا يصيح بدون سبب وهذا ياخذ رضاعة اختة وهذا يتفل ويمكن يلحقني نصيب اللة يعين عليهم
ودمتم_____________________________________________ _________________________سالمين |
جروح طيبتي اكبر همومي تسلمون وحياكم أتمنى من أي أحد يرد يختار اي حالة اهو يسويها والبنات عاد مشكلة ادخلوا اضحكوا واطلعوا ولا تدرون اللي يسوونها اخوانك او زوجك او هيك شغلي > وهـ اروح وطي |
اقتباس:
* الله الخيزران > الله يستر امين يارب الله يعينك بس حتى تمنيت تكون ابعد عن هالحالة ولو اخترت غيرها بس نصيحة حاول انك تعاملهم بطريقة مختلفة بالادب بالحوار بالطيب انت رح تستفيد اكثر منهم والله يوفقك يارب ويعينك ويهديهم اشكر لك مرورك وتنويرك لموضوعي |
ههههههههههههههههههه
يا سلام مشكوره |
• النوع الرابع
هو عكس اللي قبله هو اللي يشغل شريط خالد عبد الرحمن (ومغلدم) وأنواع التغلق والحزن وطبعا الأغنية من كثر ماهي قديمه تشك انه مغنيها قبل توحيد المملكة ويكون وجهه مورم من الصياح ! خخخخ :seko: |
وردة ذابلة تسلمين يالغالية ربي يسعدك ويخليك |
اقتباس:
الله يهديك بس ودي اشوف لي واحد يسوق ومحزن لا من اغنية بعد هههههههههههههههههااااااااااااااااااااااااي تسسلم على المرور ربي يسعدك ويصلحك |
| الساعة الآن 5:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab