ولدي ياذابح أو مذبوح..ساعدوني
 

السلام عليكم ورحمة الله وبركاته

خواتي مشكلتي ولدي:confused:
رافع ضغطي ومجنني وياذابح او مذبوح




:

ولدي عمره سنه و7 شهور عايش على الحليب بس...!!
احاول كثير انه ياكل رز, بسكوت ,كيك .خضار ,فواكه ,..غيره كلها يرفض

واذا غصبيه رجعها اعصب عليه واخانقه ما ينفع العب فيه ما ينفع
مع ان امي من كان عمره 4 شهور هي توكله لاكن كان يرفض
مو قصه دلع او ( عباطه )لا مافيه شهيه عنده

اجيب الرز واجلس عند بنت اخوي علشان يغار ويجي ياكل لاكن ما فيه فايده..بالعكس صار هو ياخذ بايده ويعطيها:eek:


الحين شكله مره نحيف ووزنه خفيف جداً وش اسوي

الله المستعان سنة و7 شهور لا ياكل ليس طبيعي :eek:
والا تجيك جمعيات حقوق الطفل :mad: لأن الولد ما ياكل حرام عليك
اختي ربما طريقتك لا تعجبه او ان اكلك لا يعجبه :tongue:
الافضل تستشيري اخصائي يكون افضل لان الامر ليس هين
فقد يعاني من متاعب لا قدر الله وهو امانة بيدك اختي سارعي به للاخصائي سريــــــعا
حبيبتي ههه انت لازمك دورة خاصة:wink:
روحي للوالدة وخليه عندها لين يدرب على الاكل ورجعيه :smile:


الله ييحفظه لك وياكل قريبا وبشرينا

الله يهديك بس خرّعتيني ...... تخيلت سلاح وفزعات ومشاكل ........
عموما خير إن شاء الله ......... جرّبتي معاه شراب فيتامينات فاتحة للشهيّة؟ لأنه بفترة نمو وأهم شي شبكيّة العين .، و ومحتاج فعلا الأكل لازم لازم تعرضينه على أخصائي وإذا مانفع مالك إلا تستبدلين الماء العادي بماء زمزم لأن فيه كل الفيتامينات والمعادن اللي يحتاجها الجسم ... وتضيفين له بودرة الحلييب ...... والإمام ابن القيّم جلس بمكّة شهر ومايشرب إلا زمزم يقول ..< حتى سمنت عليه > ...،،، وأنا شخصيا لما تمرض بنتي الصغيرة سنة وأربع أشهر ماكانت تذوق شي كنت أحط لها حليب بماء زمزم وأنا مرتاحة .... والحمد لله ..
لكن لازم لازم تعرضينه على أخصائي لأنه أمانه ..
وربي يعينك ... تعب هاالأطفال ... والله ماقهرني في السالفه إلا أنه يعطي البنت بيده :mad:

.

اجيب الرز واجلس عند بنت اخوي علشان يغار ويجي ياكل لاكن ما فيه فايده..بالعكس صار هو ياخذ بايده ويعطيها:eek:

هذي الكلمه ضحكتني مووووووووووت يوم ياكل البنت

اعرضي ابنك على اخصائي تغذيه او حطيه عند امك لان امك بتعرف اكثر منك لانه خبره الحيييين

وان شاءالله البنات مايقصروووووون معك .

أختي الغاليه الله يحفظه لك ياااااااااااارب
بس لازم تعرضيه على أخصائي تغذيه أو طبيب أطفال
عشان تتطمني عليه لايكون لاسمح الله فيه شي
ماودي أخوفك لكن سنه و7 شهور مستحيل يبقى بدون أكل
أصلاً الحليب بالعمر هذا مايكفي لحاله لازم معاه أكل
حاولي يعطينه عصير طبيعي أنتي صلحيه له بنفسك
ولاتجبرينه على الأكل لين تعرضينه على طبيب
وبأذن الله مايشوف شر ياااااااااااااااااااااارب
والله يحفظه ويخليه لك وتشوفيه عريس
بس أهم شي لاتتركيه لأنه أمانه عندك

مشكورات خواتي ما قصرتن

اااخ وش اقول كل شي سويته العصير الطبيعي انا ازينه وهو يرفض

[حتى امي تقول اول مره يمر على طفل كذا]
لان امي معروفه من وجه الطفل تعرف من شنو يعاني وعلاجه كيف..بس مثل ولدي ما شافت واعتزلت

ان شاء الله السبت اروح لطبيبه واشوف شنو تقول
ان شاء الله اقدر احصل ماء زمزم يمكن ينفع

اختي Malqana aljanat
احط ولدي عندك بس يومين ويجننك

مره كنت باعزومه كبيره هنا اكل [ قالت وحده جيبي ولدك اكليه من العشا صار رجل كان عمره سنه ونص

جبته وقدام الحـــرييييم يناديني امه يمممممممم اذا قربت لقمة الرز ويصيح امه وياشر على الصحن يعني عطيني وينادي خالته يقول يممممممممممم بصوت طويل وياكل بشراهه تقولين ماشاف خير!!.. ]
كل الحريم كذبوني ويقولون انتي مهملته ومجوعته علشان كذا جسمه نحيف

معليش أختي ....... عندي ملاحظة بس على الكلمة الأخيرة < يمكن ينفع > .......
أكيد ينفع لأنه مو كلامي كلام الصادق عليه الصلاة والسلام الذي لاينطق عن الهوى ... لمّا قال عن زمزم ..< طعام طعم وشفاء سقم > يعني يغنيك عن الطعام ويشفيك بإذن الله من السقم ...

طيب أختي ماجربتي معه التمر بأي شكل؟
لازم تودينه حق أخصائي تغذية أطفال ..

السلام عليكم ورحمة الله وبركاته

يا اختي بنتي زي ولدك ودمها 8.7 ماتحب الاكل وتمسك الملعقة وتدخل في الاكل وتخرج كذب ولا شي يدخل بطنها

جبت لها حليب بدياشور بالفانيليا مرة صباحا ومرة مساء 00لانه مكمل غذائي

مع فيتامين هيموقلوبين مرة حلو مرتين في اليوم 00ولا يسوي لهم امساك

والحمد لله احسن شوي قالت الدكتورة استعمله لها 3شهور عشان نشوف دمها يطلع ولا لا

ويفتح شهيتها