منتديات موقع بشارة خير

السلام عليكم
اليوم جبتلكم كمالة
قصيدت حزة الضيقه تفضلوها ارجو تثبيت الموضوع

ياحزة الضيق صدري منك ماضاقي
لقيت معك العلاج وهانت العله
اليا رميتي بدلوك داخل أعماقي
قريت لك ماتيسر من كتاب الله
أطوي حبالك وانا واقف على ساقي
عليك راسي طويل ولا قصر ظله
كم راح من ضيقه وكم من حزن باقي
تركت كشف الهموم وجات منسله
واأا لو إني زعلت وشانت أخلاقي
لازلت من فضل ربي من هل المله
مخلوق قانع وراضي بأمر خلاقي
مثلت لأمره وأنا خاضع من الذله
بكيت يوم المدامع تحرق إحراقي
لكن هانت بعد جف البكا كله
أخاف من يوم تشخص فيه الاحداقي
وتميل في كفة التقصير والزله
ياربي عفوك وانا للعفو تواقي
كم لي وقلبي يفوح ولا برد غله
لو راحت البال تعرض وسط الاسواقي
ماكان نص الخلايق صابها خله
والشعر من يوم ماخربن الأذواقي
ماهو بفي حلي ولاني بفي حله
ماغير أغنيه لو ماحرك أشواقي
قريحتي من ثلاث شهور منشله
أدرج الساليه وأعدل الساقي
واللي سقا السمبله عيا تسمبله
ماحن رعادي ولا لاح براقي
الا بعد راحة اليباس مبتله
لكن عسى ساحته بألفين طقاّقي
هذاك صفقّ له .. وهذاك طبلّه
غش ومجامل وزيف وكذب ونفاقي
جات لوجيه البشر ماهي لوجه الله
ومسابقات القصايد طاق طرباقي
طربق على الشاعر الموهوب وأرسلّ له
فالليل طارت ما بين دشوش وأطباقي
والصبح طاحت على البراّد والدلّه
وعن سلّة البيض يدري كلّ سلاّقي
وكلٍ تحيزم لسلق البيض فالسلّه
مابين شعر الحدث وعيون عشّاقي
مشكور يا اللي تعقد الحبل وتحلّه
خلاص ماعاد فيها قدس وعراقي
قبل إحتلال العراق القدس محتلّه
مدري متى نجتمع فالمنزل الراقي
بعد أفترق جمعنا كثره مثل قلّه
اللي بقا من زهابي موس حلاّقي
نفضت خرجي و وزّعته على الشلّه
من يرفع أقلامي ليا جفّت أوراقي
أخاف لا أموت والأقلام منصلّه !