|
انا لست خطابه ...ولكني ......
بسم الله الرحمن الرحيم اخواتي اخواني في الله السلام عليكم ورحمة الله وبركاته ودي اقدم معروف كثير كبير في ايامنا هذي خاصه واهي اني اعرف بنات كثير من اقاربي وانسابنا بنات ناس اجواد واهم ماعليهم بنات قرى مربيين تربية اجواد ...... المهم ياليت الي عندها اخو او قريب تبي له بنت حلال ترد لي والله العظيم اني مالي مصلحه الي علي اكلمهم لكم يعني امهد الموضوع والباقي عليكم اكرر اقسم بالله العظيم انهم بنات ونعم الاهل ونعم الاخلاق منهم الموظفات ومنهم العاطلات واعمارهم من العشرين الى ال 27 سنه وكمان فيه مطلقه بسبب انها عقيم تبي تتزوج واحد اجودي مايهم اذا كان متزوج او عقيم ولكن يرضى بأمرها عمرها 26 سنه مدرسه وما عليها .... الله يوفقكم يا اخواني واخواتي لا تبخلو علي بردودكم بارك الله لي ولكم ...... والله المستعان ......اختكم /ام سعد الله يحفظه |
ماشاء الله تبارك الله عليكي ....
فكرتك حلوه ..الله يجزاك خير ويجعل هذا العمل في ميزان حسناتك .... وبعدين ليه "انا لست خطابه ...ولكني ...... " ايش فيها الخطابه ؟؟ :eek: يابخت من وفقك راسين بالحلال :cool: |
اقول يام ام عبد الرحمن الله يجزاكى خير .....الفكره حلوة بس عاد ماابيها هنا فى الموقع تدرين ليش علشان ما يصير سانويج مشكل يعنى كوكتيل(فلافل وبطاط وزهره وسلكه) ويله كل المواضيع بعض موحلوة ترى بعدين ترا فيه مواقع تخدم هالامور وموقعنا هذا مو لهسوالف ....................الحلـــــــــــ؟؟؟؟ـــــــــــ ـــــــوة وترى اذا ما حذفتى الموضوع من موقعنا هذا ترى بزعل وبطلع من هالموقع ولا عاد ادخله مرة ثانيه انا ترى عندى حساسيه من هالمواضيع اتكهرب الله لا يوريكى وترى على فكره زوجى يدخل دايما هالموقع وانا ما بيه ايشوف هالاعلان ها وش رايك تحذفينه ترى انا احب امزح بس صج زوجى يتابع هالموقع يعنى تقدرين تقولين خايفه شوى هاهاى |
أم سعد جزاك الله خيرا على تلك المبادرة الخيرة
لاتترددي أبدا في عمل الخير أبدا ولا تستقلي هذا العمل وأنا معك سأحاول مساعدتك قدر الإمكان ولكن أرجو أن تطلعي على موضوع الشيخ فهد المثبت في المنتدى العام ( من يرغب الزواج من الجنسين ) لعله يفيد , أعطي أرقام الهاتف لتلك الفتيات أو افعلي ذلك بنفسك بعد موافقتهم طبعا بالنسبة لي أمامي شاب سعودي متدين , دكتور جامعي ويبحث عن زوجة ولكن له شروط إن أحببت سأبحث لك في الأمر أما شروطه يريدها بيضاء ورشيقة القوام ومتدينة إن وجد طلبه لديك أخبريني ولكن أنصحك أن تكوني واضحة جدا في هذا الموضوع , ولا تكوني ممن يلف ويدور ويخبي معلومات عن كلا الطرفين لغرض التوفيق فقط اتقي الله فقط وسيوفق الله تعالى على يديك الكثير من الزيجات كوني واثقة من ذلك من الواضح جدا أن نيتك طيبة وفقك الله وأعانك على فعل الخير |
نسيت أن أقول أن هذا الشاب متزوج ويريد زوجة ثانية
|
يابخت من وفق راسين بالحلال
|
الله يحفظك ويجزاك خير ويجزاك بلفردوس الأعلى
|
اريد معلومات
اختي الكريمة ام سعد
السلام عليكم ورحمة الله وبركاته لقد طلبت منك معلومات على الخاص ولكن لم تقرآي الرسالة حتى الآن فارجو اختي ان تتكرمي وترسلي المعلومات وهي كأ الاتي اريد معلومات عن الاخت المطلقة من آي بلد000 هل ترضى بلزواج من شخص متزوج هل ترضى ان تعيش في بلد غير بلدهاء هل ستترك الوضيفة اذا طلب الزوج ذالك 000 وايضاء اريد معلومات عن بعض الاخوات وانا اريد الاصلاح ما استطعت وما توفيقي الا بالله ولك من اختك أم علي كل الاحترام والتقدير |
والله يام سعد مشكوره الله يجزاك خير
يعلني افداج لا تترددين في عمل الخير والله يوفقج |
السلام عليكم ورحمة الله وبركاته اخواني واخواتي اعتذر عن التاخير لظروفي الخاصه وجزاكم الله خير الجزاء على تفاعلكم معي واسال الله العظيم ان ينفع به |
| الساعة الآن 3:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab